கொரோனா மருத்துவமனையில் பயங்கரம்! வெடித்து சிதறிய ஆக்ஸிஜன் சிலிண்டர்கள்: 82 பேர் பலி...100-க்கும் மேற்பட்டோர் காயம்

Iraq Baghdad Coroanaivirus

By Kaviarasan Apr 25, 2021 11:09 AM GMT

Kaviarasan

in மத்திய கிழக்கு

Report

ஈராக்கில் கொரோனா மருத்துவமனையில் ஆக்ஸிஜன் சிலிண்டர்கள் வெடிப்பு காரணமாக இதுவரை 82 பேர் பலியாகியிருப்பதாகவும், நூற்றுக்கும் மேற்பட்டோர் காயமடைந்திருப்பதும் உறுதி செய்யப்பட்டுள்ளது.

ஈராக்கின் தலைநகர் பாக்தாத்தில் இருக்கும் மருத்துவமனை ஒன்றில், நேற்றிரவு ஆக்ஸிஜன் சிலிண்டர்கள் வெடித்ததால், குறித்த மருத்துவமனையில் பயங்கர தீ விபத்து ஏற்பட்டது.

இதனால் ஏராளமானோர் இறந்திருக்கலாம் என்று கூறப்பட்டது. ஆனால் அது குறித்து எந்த ஒரு தகவலும் வெளியாகமால் 27 பேர் உயிரிழந்திருக்கலாம் என்று கூறப்பட்டது.

இந்நிலையில், தற்போது இந்த விபத்து காரணமாக 82 பேர் உயிரிழந்திருப்பதாகவும், 110 பேர் காயமடைந்திருப்பதும் உறுதி செய்யப்பட்டுள்ளது.

கொரோனா மருத்துவமனையில் பயங்கரம்! வெடித்து சிதறிய ஆக்ஸிஜன் சிலிண்டர்கள்: 82 பேர் பலி...100-க்கும் மேற்பட்டோர் காயம் | 82 Die In Baghdad Covid Hospital Fire

வரும் காலங்களில் இது போன்ற சம்பவங்கள் நடக்காமல் இருப்பதற்கு தேவையான அனைத்து நடவடிக்கைகளும் மேற்கொள்ளப்பட்டு வருவதாக அரசு தரப்பில் தெரிவிக்கப்பட்டுள்ளது.

இந்த சம்பவம் குறித்து அங்கிருக்கும் உள்ளூர் ஊடகம் வெளியிட்டிருக்கும் செய்தியில், நேற்று முன் தினம் Diyala பாலம் பகுதியில் உள்ள Ibn Khatib மருத்துவமனையில், ஆக்ஸிஜன் சிலிண்டர்கள் திடீரென்று வெடித்ததால், பயங்கர தீ விபத்து ஏற்பட்டதாக குறிப்பிட்டுள்ளது.

மேலும், இந்த தீ விபத்தின் போது தன் சகோதரனை காப்பாற்றிய நபர் கூறுகையில், நான் என் சகோதரனை தெருவில் ஒரு எரிபொருள் போன்று இழுத்துச் சென்றேன். அந்தளவிற்கு அவன் மீது தீ பரவியது.

மருத்துவமனையின், கடைசி மாடியில் சுமார் 19 வயது மதிக்கத்தக்க பெண் ஒருவர் இந்த தீ விபத்தினால், மூச்சு திணறல் ஏற்பட்டு இறந்துவிட்டார். மருத்துவர்கள் தங்கள் உயிர்களைக் காப்பாற்றிக் கொள்ள, மருத்துவமனையின் மேல் இருந்து கார்களில் குதித்ததாக கூறினார்.

மேலும் மத்திய கிழக்கு செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்