வரியை தோற்கடிக்க நாளொன்றுக்கு ரூ.9.49 கோடி செலவிடும் கோடீஸ்வரர்கள்

ultra rich spends 9crs per day against california wealth tax prop40: கலிஃபோர்னியாவில் செல்வ வரி வாக்கெடுப்பை தோற்கடிக்க, கோடீஸ்வரர்கள் நாளொன்றுக்கு ரூ.9.49 கோடி செலவிட்டு வருகின்றனர்.

கலிஃபோர்னியாவில் செல்வ வரி

அமெரிக்காவின் கலிஃபோர்னியா மாகாணத்தில், 'முன்மொழிவு 40' என்ற வாக்கெடுப்புத் தீர்மானத்தின் மீது கலிஃபோர்னியா மக்கள் நவம்பர் மாதத் தொடக்கத்தில் வாக்களிக்க உள்ளார்கள். 

இது நிறைவேற்றப்பட்டால், மாநிலத்தின் கோடீஸ்வரர்கள் மீது ஒருமுறை மட்டும் 5% வரி விதிக்கப்படும்.

1 பில்லியன் டொலருக்கும் (இந்திய மதிப்பில் ரூ.9,496 கோடி) அதிகமான நிகர சொத்து மதிப்பு கொண்ட நபர்கள் ஈட்டப்படாத ஆதாயங்கள் மற்றும் சொத்துக்கள் மீது வரி விதிக்கும். 

ஒரே நாளில் தலைகீழான வாழ்க்கை... பல ஆயிரம் கோடிகளை இழந்த டெல் நிறுவனர்

இதன் மூலம் கிடைக்கும் வருமானம் பெரும்பாலும் சுகாதாரத் திட்டங்களுக்கும், சிறிதளவு கல்வி மற்றும் உணவு உதவிகளுக்கும் பயன்படுத்தப்படும்.

நாளொன்றுக்கு ரூ.9.49 கோடி செலவு

இந்த நிலையில், இந்த முன்மொழிவு 40-க்கு எதிரான பிரச்சாரத்திற்கு கலிஃபோர்னியா கோடீஸ்வரர்கள், நாளொன்றுக்கு 1 மில்லியன் டொலருக்கும் (இந்திய மதிப்பில் ரூ.9.49 கோடி) அதிகமாகச் செலவிட்டு வருவதாக மாநில நிதிநிலை அறிக்கைகள் காட்டுகின்றன. 

செப்டம்பர் மாதத்தின் முதல் 19 நாட்களில் மட்டும், கோடீஸ்வரர்களுக்கு எதிரான வரிப் பிரச்சாரம் தனது முயற்சிகளுக்காகக் குறைந்தபட்சம் 21.2 மில்லியன் டொலர்களைச் செலவிட்டது.

கோடீஸ்வரர்கள் மீதான வரி, அனைத்து கலிபோர்னியர்களுக்கும் அதிக வரி விதிப்புக்கு வழிவகுக்கும் என்று எச்சரிக்கும் தொடர்ச்சியான தானியங்கி குறுஞ்செய்திகள், அஞ்சல்கள் மற்றும் விளம்பரங்களுக்கு இந்த நிதி பயன்படுத்தப்பட்டுள்ளது. 

இந்த எதிர்ப்பு பிரச்சாரத்திற்கு, தற்போது வரை 340 மில்லியன் டொலர்(இந்திய மதிப்பில் ரூ.3,228 கோடி) வரை நிதி திரட்டப்பட்டுள்ளது.

இதில் அதிகபட்சமாக கூகிள் இணை நிறுவனர் செர்ஜி பிரின் 138 மில்லியன் டொலர் (இந்திய மதிப்பில் ரூ.1,310 கோடி) நன்கொடை வழங்கியுள்ளார். 

செர்ஜி பிரின் 271 பில்லியன் டொலருடன் உலக பணக்காரர்கள் பட்டியலில் 4வது இடத்தில் உள்ளார்.

இந்த வரியை எதிர்க்கும் கலிபோர்னியாவின் மிகப்பெரிய சுகாதாரப் பணியாளர் சங்கம், 32 மில்லியன் டொலர் (இந்திய மதிப்பில் ரூ.303 கோடி) இந்த வரியை ஊக்குவிப்பதற்காக இவ்வளவு தொகையைத் திரட்டியுள்ளது. இது, எதிர்ப்பவர்கள் திரட்டிய தேர்தல் நிதி இருப்பில் 10%க்கும் குறைவானதாகும்.