லங்காசிறி FM
சுவிட்சர்லாந்துக்கு பயணிக்கும் 90 உலக நாடுகளின் தலைவர்கள்: விவரம் செய்திக்குள்
Balamanuvelan
in சுவிட்சர்லாந்து
இந்த வார இறுதியில், சுவிட்சர்லாந்தில் உக்ரைன் உலக அமைதி உச்சி மாநாடு நடைபெற உள்ள நிலையில், அதில் பங்கேற்பதற்காக, 90 உலக நாடுகளின் தலைவர்கள் சுவிட்சர்லாந்து வர இருப்பதாக அந்நாட்டு அரசு தெரிவித்துள்ளது.
உக்ரைன் உலக அமைதி உச்சி மாநாடு
இம்மாதம், அதாவது, ஜூன் மாதம் 15 மற்றும் 16ஆம் திகதிகளில், சுவிட்சர்லாந்தில், உக்ரைன் உலக அமைதி உச்சி மாநாடு நடைபெற உள்ளது. அந்த மாநாட்டில் பங்கேற்க, 90 உலக நாடுகளின் தலைவர்கள் சம்மதம் தெரிவித்து இருப்பதாக சுவிட்சர்லாந்தின் ஜனாதிபதியான Viola Amherd தெரிவித்துள்ளார்.
28 மாதங்களுக்கு முன் ரஷ்யா உக்ரைனை ஊடுருவியதால் துவங்கிய போரை முடிவுக்குக் கொண்டுவரும் நோக்கில் இந்த மாநாடு நடத்தப்பட உள்ளது.
பங்கேற்கும், பங்கேற்காத தலைவர்கள்
உக்ரைனின் கோரிக்கையை ஏற்று சுவிட்சர்லாந்து இந்த மாநாட்டை நடத்துவதால், ரஷ்யா அதில் பங்கேற்கப்போவதில்லை. ஐரோப்பிய ஒன்றியத்தைப்போலவே சுவிட்சர்லாந்தும் ரஷ்யா மீது தடைகள் விதித்ததால், அந்நாடு நடுநிலைமை நாடு அல்ல என ரஷ்யா கூற, ரஷ்யாவுக்கு அழைப்பும் இல்லை என சுவிட்சர்லாந்து கூறிவிட்டது.
பிரான்ஸ், ஜேர்மனி, அமெரிக்கா முதலான நாடுகள் மாநாட்டில் பங்கேற்க உள்ளன. ரஷ்யாவும் உக்ரைனும் மாநாட்டில் பங்கேற்காவிட்டால் தாங்களும் பங்கேற்கமாட்டோம் என பிரேசிலும் சீனாவும் கூறிவிட்டன. சில நாடுகள் மாநாட்டில் பங்கேற்கப்போகின்றனவா இல்லையா என்பது குறித்து இதுவரை முடிவு எதையும் தெரிவிக்கவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
