லங்காசிறி FM
பணம் கூட எண்ணத் தெரியாது; 92 வயதில் பள்ளிக்கு செல்லும் பாட்டி.! வைரலாகும் வீடியோ
படிக்க வேண்டும் என்ற ஆர்வம் இருந்தால் வயது வித்தியாசமின்றி கல்வியைத் தொடரலாம் என்பதை நாட்டில் பலர் நிரூபித்துள்ளனர். உத்தரபிரதேச மாநிலம் புலந்த்ஷாஹரைச் சேர்ந்த சலிமா கான் என்ற 92 வயது மூதாட்டியும் இந்தப் பட்டியலில் இணைந்துள்ளார்.
இந்த வயதில் பள்ளிக்கு செல்கிறார். இப்போது, அவரால் ஈர்க்கப்பட்டு, வேறு சில பெண்களும் பள்ளியை நோக்கி படை எடுத்துள்ளனர்.
சலிமா கான் 1931-ல் பிறந்தார். அவருக்கு 14 வயதில் திருமணம் நடந்தது. படிக்க வேண்டும் என்ற ஆசை இருந்தாலும் பல காரணங்களால் அவரால் படிக்க முடியவில்லை.
அப்போது அவர்கள் கிராமத்தில் பள்ளிக்கூடம் இல்லை என்றார். ஆறு மாதங்களுக்கு முன்பிருந்து பள்ளிக்கு செல்கிறார். தனக்கு பணத்தை எண்ணுவது கூட தெரியாது என்றார். அவரது பேரன்கள் சில தந்திரங்களை பயன்படுத்தி தன்னிடம் இருந்து அதிக பணம் எடுப்பதாக அவர் கூறினார். இப்போது அந்த தந்திரங்கள் தன்னிடம் வேலை செய்யாது என்று கூறியுள்ளார்.
#WATCH | "I like to study...I attend school, now I can count notes..." says Salima Khan pic.twitter.com/Ty5rUoUtTf
— ANI UP/Uttarakhand (@ANINewsUP) September 27, 2023
அவரது முயர்சியை வட்டார கல்வி அலுவலர் லட்சுமி பாண்டே பாராட்டினார். சலீமா கானின் கதை அனைவருக்கும் ஒரு உத்வேகம் என்றும், அறிவைப் பெற வயது போதாது என்பதை அவர் மீண்டும் நிரூபித்துள்ளார் என்றும் அவர் கூறினார்.
அவர் பள்ளிக்குச் செல்லத் தொடங்கியதிலிருந்து, அவரது கிராமத்தைச் சேர்ந்த மேலும் 25 பெண்களும் படிக்க வருவதாக உள்ளூர் ஆசிரியர்கள் தெரிவித்தனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Education Matters, Importane of Education, Salima Khan, Uttar Pradesh, Old student, 92 year old school student
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
