லங்காசிறி FM
பணி நேரம் முடிந்தபின் ஊழியர்களை தொந்தரவு செய்யக்கூடாது: சுவிஸ் அரசியல்வாதி ஒருவர் முன்வைத்துள்ள மசோதா
Balamanuvelan
in சுவிட்சர்லாந்து
சுவிஸ் அரசியல்வாதி ஒருவர், பணி நேரம் முடிந்தபின் வீட்டிலோ வெளியிலோ இருக்கும் ஊழியர்களை அலுவலகங்கள் தொந்தரவு செய்யக்கூடாது என்பதை வலியுறுத்தி மசோதா ஒன்றை முன்வைத்துள்ளார்.
ஊழியர்கள் மன அழுத்தத்துக்கும் நோய்க்கும் ஆளாவதாக குற்றச்சாட்டு
சுவிட்சர்லாந்தில் கிரீன் கட்சி நாடாளுமன்ற உறுப்பினரான Greta Gysin என்பவர், ஊழியர்கள் பணி நேரம் முடிந்து தங்கள் குடும்பத்துடன் மகிழ்ச்சியாக இருக்கும் நேரத்திலும் அலுவலகத்திலிருந்து வரும் மின்னஞ்சல்கள் மற்றும் குறுஞ்செய்திகளால் மன அழுத்தத்துக்கு ஆளாவதாகவும், நோய்வாய்ப்படுவதாகவும் தெரியவந்துள்ளதாகக் கூறியுள்ளார்.
ஆகவே, பணி நேரம் முடிந்தபின் ஊழியர்களை அலுவலகங்கள் தொந்தரவு செய்யக்கூடாது என்பதை வலியுறுத்தி அவர் மசோதா ஒன்றை முன்வைத்துள்ளார்.
தற்போதைய சூழலில் பலர் வீட்டிலிருந்தவண்ணம் பணி செய்யும் நிலையில், பணிநேரத்துக்கும் தங்கள் சொந்த நேரத்துக்கும் இடையில் உள்ள இடைவெளி பெரிதும் பாதிக்கப்படுவதாக இந்த மசோதாவை ஆதரிப்பவர்களும் தெரிவித்துள்ளார்கள்.
ஆனால், அரசோ, இப்படி ஒரு மசோதா தேவையில்லை, ஏனென்றால், ஏற்கனவே பல கட்டுப்பாடுகள் நடைமுறையில் உள்ளன. அவற்றின்படி, வேலை நேரம் இல்லாதபோது பணி வழங்குவோர் அழைத்தால், ஊழியர்கள் உடனடியாக பதிலளிக்கவேண்டும் என அவர்கள் எதிர்பார்க்கக்கூடாது என விதி உள்ளது என்கிறது.
இந்த மசோதா அடுத்த வாரம் சுவிஸ் நாடாளுமன்றத்தில் விவாதத்திற்கு எடுத்துக்கொள்ளப்பட உள்ளது.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
