லங்காசிறி FM
கனேடிய நகரமொன்றில் பயங்கர நோய்க்கிருமி பரவல்: டயாலிசிஸ் செய்யும் நிலைமைக்காளான குழந்தைகள்
கனேடிய நாரமொன்றில், குழந்தைகளுக்கான பகல் நேரக் காப்பகங்களில் பயங்கர நோய்க்கிருமி ஒன்றின் பரவல் காரணமாக 142 பேர் பாதிக்கப்பட்டுள்ளதாக பரவியுள்ள தகவல் பெரும் அதிர்ச்சியை ஏற்படுத்தியுள்ளது.
டயாலிசிஸ் செய்யும் நிலைமைக்காளான குழந்தைகள்
கனடாவின் ஆல்பர்ட்டா மாகாணத்திலுள்ள கால்கரி நகரில் அமைந்துள்ள பல குழந்தைகளுக்கான பகல் நேரக் காப்பகங்களில் விடப்பட்ட குழந்தைகள் 142 பேர், ஈ கோலை என்னும் பயங்கர கிருமியால் பாதிக்கப்பட்டுளதாக, ஆல்பர்ட்டா சுகாதார அமைப்பு தெரிவித்துள்ளது.
அவர்களில் 26 குழந்தைகள் மருத்துவமனைகளில் அனுமதிக்கப்பட்டுள்ளார்கள். கொடுமை என்னவென்றால், அவர்களில் சில குழந்தைகளுக்கு டயாலிசிஸ் செய்யும் நிலை ஏற்பட்டுள்ளது.
சிறுநீரகம் பாதிக்கப்படும்போதுதான் இந்த டயாலிசிஸ் சிகிச்சை மேற்கொள்ளப்படும் என்பது குறிப்பிடத்தக்கது.
இன்னொரு முக்கிய விடயம், இந்த காப்பகங்களில் உள்ள குழந்தைகள் அனைவருக்கும், ஒரே சமையலறையிலிருந்துதான் உணவு விநியோகம் செய்யப்படுகிறது.
எதனால் பிரச்சினை?
எதனால் குழந்தைகளுக்கு இந்த நோய்த்தொற்று என சுகாதார அதிகாரிகள் கூறாவிட்டாலும், அந்தக் குழந்தைகள் அனைவரும் ஒரே சமையலறையில் இருந்து விநியோகிக்கப்படும் உணவை உண்டதால் அவர்களுக்கு தொற்று ஏற்பட வாய்ப்புள்ளது.
அதாவது, உணவின்மூலம் இந்த நோய்க்கிருமிகள் பரவியிருக்கலாம்.
என்ன நோய்க்கிருமி?
ஈ கோலை என்னும் கிருமியே தற்போது குழந்தைகளுக்கு பாதிப்பை ஏற்படுத்தியுள்ளது. இந்த ஈ கோலையைக் குறித்து சில விடயங்களை அறிந்துகொள்வது அனைவருக்குமே பயனளிக்கும்.
மருத்துவத்துறையில் இருப்போர் ஒரு சிறிய ஆலோசனை கூறுவார்கள். சிறியதானாலும், அது மிகவும் பயனுள்ள ஆலோசனை.
அதாவது, மூன்று குறிப்பிட்ட நேரங்களில், கிருமிநீக்கம் செய்யும் Lifebuoy போன்றதொரு சோப்பினால் கைகளை கழுவுவது, நோய்த்தொற்றுக்களைத் தவிர்க்கும். ஒன்று கழிவறைக்குச் சென்று திரும்பியபின், இரண்டு, வீட்டை விட்டு வெளியே சென்று திரும்பியபின், மூன்று சமையல் செய்யும் முன்...
இப்படி கைகளைக் கழுவுவதால் குறிப்பிட்ட அளவுக்கு உணவின் மூலம் பரவும் சில தொற்றுக்களைத் தவிர்க்கலாம்.
இந்த ஈ கோலை என்னும் கிருமியிலேயே பல பிரிவுகள் உள்ளன. நச்சுப்பொருளை உருவாக்கும் ஈ கோலை, குடலில் இரத்தம் வரவைக்கும் ஈ கோலை, குடலில் நோயுண்டாக்கும் ஈ கோலை, குடலின் தோலுக்குள்ளேயே நுழையக்கூடிய ஈ கோலை என்னும் பல வகை ஈ கோலைகள் உள்ளன.
பல ஈ கோலை கிருமிகள், மலம் கழித்துவிட்டு சரியாக கை கழுவாததால் பரவ வாய்ப்புள்ளது.
இப்படிப்பட்ட ஈ கோலையில், முதல் வகையான நச்சுப்பொருள் உருவாக்கும் ஈ கோலையால் பாதிக்கப்பட்ட குழந்தைகளே தற்போது டயாலிசிஸ் செய்யும் நிலைக்குச் சென்றுள்ளார்கள் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
