லங்காசிறி FM
பல தசாப்தங்களாக ஏமாற்றப்பட்ட இலங்கை மக்கள் - தகுந்த நடவடிக்கை எடுக்க தயாராகும் அநுர அரசு!
மக்கள் எம்மீது வைத்துள்ள நம்பிக்கையை எந்த வகையிலும் சீர்குலைக்க இடமளிக்க மாட்டோம் என ஜனாதிபதி அனுரகுமார திஸாநாயக்க இன்று (13) அரச ஊடகப் பிரதானிகளுடனான சந்திப்பின் போது தெரிவித்துள்ளார்.
“அரசாங்கத்தில் அவர்களின் அந்தஸ்தைப் பொருட்படுத்தாமல், தவறுகள் நடந்தால், தகுந்த நடவடிக்கை எடுக்க நாங்கள் தயங்க மாட்டோம்” என்று ஜனாதிபதியின் ஊடகப் பிரிவு தெரிவித்துள்ளது.
ஜனாதிபதி மேலும் விளக்கமளித்தார்:
“ஏழு தசாப்தங்களுக்கும் மேலாக, இந்த தேசத்தின் மக்கள் பல்வேறு அரசாங்கங்களை உருவாக்கி, சிதைத்துள்ளனர். முதன்முறையாக, எமக்கும் தேசிய மக்கள் சக்திக்கும் இரண்டு தடவைகள் ஒப்படைக்கப்பட்ட வரலாற்றுச் சிறப்புமிக்க ஆணையைப் பற்றிய ஆழமான புரிதலுடன் நாங்கள் நிற்கிறோம்.
மக்கள் தேசிய மக்கள் சக்தி (NPP) அரசாங்கத்தின் மீது நம்பிக்கை வைத்தனர், தரப்படுத்தப்பட்ட மற்றும் நிலையான நாட்டை எதிர்பார்க்கிறார்கள். அந்த அசாதாரன நம்பிக்கையை, சிறிதளவு தவறான நடத்தையாலும் கெடுக்க மாட்டோம்.
எளிமையாகச் சொன்னால், எக்காரணம் கொண்டும் தவறு செய்பவர்களைக் காப்பதற்காக எங்கள் அரசாங்கம் இங்கு இல்லை. அது நாட்டின் பரந்த கட்டமைப்பிற்குள் இருந்தாலும் சரி அல்லது நமது நிர்வாகத்திற்குள்ளாக இருந்தாலும் சரி, தவறு செய்தவர்கள் யாராக இருந்தாலும் அவர்கள் விளைவுகளை சந்திக்க நேரிடும். தீர்க்கமாக சரியான நேரத்தில் செயல்பட நாங்கள் தயங்க மாட்டோம்.
எந்த காரணத்திற்காகவும் தவறு செய்யும் எவரையும் எங்கள் அரசாங்கம் பாதுகாக்காது. நாட்டிற்குள்ளாகவோ அல்லது எமது அரசாங்கத்திற்குள் எந்த மட்டத்திலோ தவறு நடந்தாலும், தீர்க்கமான நடவடிக்கை எடுக்க நாங்கள் தயங்க மாட்டோம். தேவையான அனைத்து நடவடிக்கைகளும் தாமதமின்றி உரிய நேரத்தில் எடுக்கப்படும்” என்றார்.
பல தசாப்தங்களாக ஏமாற்றப்பட்ட மக்கள் தங்கள் மீது வைத்துள்ள நம்பிக்கையை நிலைநாட்டுவதில் தனது அரசாங்கத்தின் அசைக்க முடியாத அர்ப்பணிப்பை ஜனாதிபதி அனுரகுமார திஸாநாயக்க மீண்டும் உறுதிப்படுத்தினார். ஒரு சிறந்த தேசத்தைக் கட்டியெழுப்ப அயராது உழைப்பதாக அவர் உறுதியளித்துள்ளதாக ஜனாதிபதியின் ஊடகப் பிரிவு தெரிவித்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
