நடிகர் பப்லுவின் மகனுக்கு இப்படி ஒரு நோயா? இவரது நிஜ வாழ்வில் ஏற்பட்ட சோகம்!

நடிகர் பப்லு தனது மகனுக்கு ஏற்பட்ட நோய் குறித்து முதல் முறையாக வெளிப்படையாக கூறியுள்ளது அவரது ரசிகர்களை சோகத்தில் ஆழ்த்தியுள்ளது.

ஒரு காலத்தில் தமிழ் சினிமாவில் முன்னனி நடிகராக வலம் வந்தவர் பிரித்திவிராஜ். இவரை அவரது தீவிர ரசிகர்கள் பப்லு என்ற செல்ல பெயரை கொண்டு அழைப்பது வழக்கம். இவர் நடிகராக மட்டும் இல்லாமல் பல படங்களில் வில்லன், குணசித்திர கதாபாத்திரத்தில் நடித்துள்ளார்.

இவர் இதுவரை சுமார் 200 படங்களுக்கு மேல் நடித்துள்ளது குறிப்பிடத்தக்கது. இவர் என்ன தான் படங்களில் வில்லனாக நடித்திருந்தாலும் நிஜ வாழ்க்கையில் இவர் உண்மையான ஹீரோ தான். இவருக்கு அகத் என்ற பெயரில் ஒரே ஒரு மகன் உள்ள நிலையில் அவருக்கு தற்போது 25 வயதாகிறது.

இந்நிலையில் அவருக்கு தனது 3ஆம் வயதில் இருந்து 'ஆட்டிசம்' என்ற குறைபாடு உள்ளது. முதலில் தன் மகனுக்கு ஆட்டிசம் குறைபாடு இருக்கிறது எனத் தெரிய வந்தவுடன் உலகமே இடிந்து விழுந்ததாக உணர்ந்தார்.

அன்றிலிருந்து இன்றுவரை மகனுக்காவே தன்னுடைய மொத்த வாழ்க்கையும் அர்ப்பணித்து வாழ்ந்து வருகின்றார். இந்நிலையில் இந்த மாதிரி குறைபாடு உள்ள குழந்தைகளை எப்படி சரியாக வளர்க்க வேண்டும் குறித்து விழிப்புணர்வை செய்து வருகிறார்.

அதுமட்டுமில்லாமல் இதுபோன்ற குழந்தைகளின் பெற்றோர்கள் என்ன செய்ய வேண்டும், அவர்களை எப்படி பார்க்க வேண்டும், அவர்களின் தேவைகள், புரிதல்கள் என்ன? என்பதை குறித்தும் தெளிவாக கூறியுள்ளார். இவரின் இந்த கஷ்டம் ரசிகர்களை சோகத்தில் ஆழ்த்தி இருந்தாலும் பலரும் இவரை சூப்பர் ஹீரோ என்று மனம் திறந்து பாராட்டி வருகின்றனர்.