லங்காசிறி FM
பிணையில் வந்து 4வது திருமணம் செய்த தமிழ் நடிகர் (வீடியோ)
பிரபல இயக்குநர் சிறுத்தை சிவாவின் சகோதரரும், நடிகருமான பாலா தனது உறவினர் பெண்ணொருவரை திருமணம் செய்துள்ளார்.
நடிகர் பாலா
தமிழில் 2003ஆம் ஆண்டு வெளியான 'அன்பு' படத்தின் மூலம் கதாநாயகனாக அறிமுகமானவர் பாலா.
அதனைத் தொடர்ந்து காதல் கிசு கிசு, வீரம், தம்பி, அண்ணாத்த உள்ளிட்ட சில படங்களில் நடித்தார். மலையாளத்தில் பிரபலமான இவர் 40க்கும் மேற்பட்ட திரைப்படங்களில் நடித்துள்ளார்.
சமீபத்தில் இவரின் முதல் மனைவி அளித்த புகாரின் பேரில், பொலிஸாரால் கைது செய்யப்பட்ட நடிகர் பாலா பின்னர் பிணையில் வெளியே வந்துள்ளார்.
4வது திருமணம்
இந்நிலையில் கேரளாவின் எர்ணாகுளம் பகுதியில் உள்ள கோயில் ஒன்றில், தனது உறவினரான கோகிலா என்பவரை பாலா திருமணம் செய்துள்ளார்.
இந்த திருமணத்தில் இருவரின் உறவினர்கள், நண்பர்கள் மற்றும் பத்திரிகையாளர்கள் கலந்துகொண்டு மணமக்களை வாழ்த்தியுள்ளனர்.
இது இவருக்கு நான்காவது திருமணம் என்று கூறப்படுகிறது. முதலில் கர்நாடகாவைச் சேர்ந்த சந்தனா சதாசிவா என்பவரை பாலா திருமணம் செய்துகொண்டதாக தகவல்கள் வெளியாகின. ஆனால் அவர் திருமணம் குறித்து தெரிவிக்கவில்லை.
பின்னர் 2010யில் மலையாள பாடகி அம்ருதாவை திருமணம் செய்துகொண்ட பாலா, கருத்து வேறுபாடு காரணமாக அவரை விவாகரத்து செய்தார்.
அதனைத் தொடர்ந்து மருத்துவரான எலிசபெத் என்பவரை திருமணம் செய்து பின் அவரையும் பிரிந்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
