லங்காசிறி FM
அப்பாவி போல் நடிக்கும் தனுஷ்.., விளாசி எடுத்த நயன் - நடந்தது என்ன?
நடிகை நயன்தாரா நடிகர் தனுஷிற்கு வெளிப்படையாக எழுதியுள்ள ஓர் கடிதம் இணையத்தில் தற்போது வைரலாகி வருகின்றது.
Nayanthara: Beyond the Fairy Tale
நடிகை நயன்தாராவின் வாழ்க்கையை பதிவு செய்யும் விதமாக Nayanthara: Beyond the Fairy Tale எனும் ஆவணப்படம் நயன்தாராவின் பிறந்தநாளை முன்னிட்டு வெளியாகவுள்ளது.
இதற்கான ட்ரைலர் சமீபத்தில் வெளியாகியது.
இந்த ஆவணப்படம் நயன்தாராவின் திருமணம் முடிந்ததோடு வெளிவரவிருந்தது. ஆனால் இது வெளிவராமல் இருந்தமைக்கு நடிகர் தனுஷ் தான் காரணம் என திரை வட்டாரத்தில் பேசப்பட்டது.
இந்நிலையில், தற்போது தனுஷை கடும் கோபத்துடன் நடிகை நயன்தாரா விளாசியுள்ளார்.
மூன்று பக்கங்கள் கொண்ட ஓர் அறிக்கையின் மூலம் நடிகர் தனுஷ் குறித்தும், ஏன் Nayanthara: Beyond the Fairy Tale ஆவணப்படம் தாமதமானது என்பது குறித்தும் நடிகை நயன்தாரா தெரியப்படுத்தியுள்ளார்.
அதில் தனுஷ் தனது தந்தை மற்றும் அண்ணனின் துணையுடன் சினிமாவிற்கு வந்தவர் என்றும், தான் தனி ஒரு பெண்ணாக எந்த ஒரு சினிமா பின்புலமும் இல்லாமல் வந்தவர் என்று குறிப்பிட்டுள்ளார்.
வைரலாகும் நயன் பதிவு
நெட்ஃபிளிக்ஸில் வெளியாக இருக்கும் 'Nayanthara: Beyond the Fairy Tale' ஆவணப்படத்தில் 'நானும் ரௌடிதான்' படத்தின் காட்சிகளையும், பாடல்களையும், புகைப்படங்களையும் பயன்படுத்தும் வகையில், உங்களிடம் இருந்து தடையில்லா சான்றிதழ் (NOC) பெறுவதற்காக 2 வருடங்களாக காத்திருந்தோம். எங்கள் எல்லாப் போராட்டங்களும் பலனளிக்காத நிலையில், அந்த முடிவையே கைவிட்டு, ஆவணப்படத்தில் திருத்தங்கள் செய்தோம்.
சமீபத்தில் வெளியான டிரைலரில் பயன்படுத்தப்பட்டிருக்கும் 3 விநாடி வீடியோவிற்கு எதிராய் Legal Notice அனுப்பப்பட்டு இருப்பது அதிர்ச்சியளிக்கிறது.
அதிலும், தனிப்பட்ட முறையில் எடுக்கப்பட்ட, ஏற்கனவே இணையதளங்களில் பகிரப்பட்ட ஒரு காட்சிக்கு பத்து கோடி நஷ்ட ஈடு கேட்கப்பட்டு இருப்பது மிகவும் விநோதமானதாகவும் இருக்கிறது.
கீழ்தரமான இந்த செயல், ஒரு மனிதராக நீங்கள் எப்படிப்பட்டவர் என்பதை வெளிச்சம் போட்டுக் காட்டுகிறது. மேடைகளில் உங்கள் அப்பாவி ரசிகர்கள் முன் பேசுவைதப் போல், ஒரு சதவீதம் கூட உங்களால் நடந்துகொள்ள முடியாது என்பதை நானும், எனது கணவரும் நன்றாகவே அறிந்திருக்கிறோம்" என நயன்தாரா தெரிவித்துள்ளார்.
மேலும் இந்த செய்தி இணையத்தில் வைரலாகி வருகின்றமை குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
