நடிகர் தனுஷ் எங்களின் மகன் என தம்பதி தொடுத்த வழக்கு! இறுதி உத்தரவு குறித்து முக்கிய தகவல்

Dhanush

By Raju Dec 14, 2022 12:45 PM GMT

Raju

in பொழுதுபோக்கு

Report

மேலூர் கதிரேசன் - மீனாட்சி தம்பதியினர் நடிகர் தனுஷ் தொடர்பில் தொடர்ந்த வழக்கில் இறுதி உத்தரவு வழங்கப்படும் திகதி அறிவிக்கப்பட்டுள்ளது.

நடிகர் தனுஷ்

மதுரையைச் சேர்ந்த கதிரேசன் - மீனாட்சி தம்பதியினர் நடிகர் தனுஷ் தனது மகன் என்று மேலூர் நீதிமன்றத்தில் வழக்கு தொடுத்திருந்தனர். இவ்வழக்கில் தனுஷ் தரப்பில் தாக்கல் செய்யப்பட்ட போலி ஆவணங்கள் குறித்து விசாரிக்க கோரிய வழக்கை தள்ளுபடி செய்த நீதித்துறை நடுவர் நீதிமன்றத்தின் உத்தரவை ரத்து செய்யக்கோரி மேலூர் கதிரேசன் தரப்பில் உயர்நீதிமன்ற மதுரைக்கிளையில் சீராய்வு மனு தாக்கல் செய்யப்பட்டுள்ளது.

மதுரை மேலூரை சேர்ந்த கதிரேசன் உயர் நீதிமன்ற மதுரைக் கிளையில் குற்றவியல் சீராய்வு மனுவை தாக்கல் செய்திருந்தார். அதில்,கடந்த 2017ஆம் ஆண்டு அக்டோபர் 5ஆம் தேதி நடிகர் தனுஷ் தரப்பில் தாக்கல் செய்யப்பட்ட ஆவணங்களில் போலியானவை இருப்பதாக நான் அளித்த புகாரின் அடிப்படையில், முறையாக விசாரித்து இறுதி அறிக்கையை நீதிமன்றத்தில் தாக்கல் செய்யுமாறு உயர் நீதிமன்றம் உத்தரவிட்டது.

நடிகர் தனுஷ் எங்களின் மகன் என தம்பதி தொடுத்த வழக்கு! இறுதி உத்தரவு குறித்து முக்கிய தகவல் | Actor Dhanush Parents Case Date

இறுதி உத்தரவு

ஆனால் மதுரை நீதித்துறை நடுவர் நீதிமன்றம் எண் 6, இந்த வழக்கை தள்ளுபடி செய்து உத்தரவு பிறப்பித்தது. இதையடுத்து தனுஷ் தரப்பில் தாக்கல் செய்யப்பட்ட போலி ஆவணங்கள் குறித்து காவல்துறையினர் வழக்குப்பதிவு செய்து விசாரிப்பது தொடர்பான வழக்கை தள்ளுபடி செய்த நீதித்துறை நடுவர் நீதிமன்றத்தின் உத்தரவை ரத்து செய்து, மீண்டும் வழக்கை முறையாக விசாரிக்க உத்தரவிட வேண்டும் என கூறியிருந்தார்.

இந்த வழக்கு நீதிபதி இளங்கோவன் முன்பாக விசாரணைக்கு வந்தது. அப்போது பதிவுத் துறை தரப்பில், தனுஷுக்கு எதிரான வழக்கின் ஆவணங்கள் தாக்கல் செய்யப்பட்டது இதைத்தொடர்ந்து இவ்வழக்கின் இறுதி தீர்ப்பு ஜனவரி 5ஆம் திகதி வழங்கப்படும் என கூறி விசாரணையை ஒத்தி வைத்து நீதிபதி உத்தரவிட்டுள்ளார்.