லங்காசிறி FM
நம்பிய மூன்று பெண்கள் ஏமாற்றினார்கள்.. அவர் மட்டும் தான் உடன் இருக்கிறார்! நடிகர் தனுஷ் உருக்கம்
தன் வாழ்வில் மிகவும் நம்பிய மூன்று பெண்கள் தன்னை கைவிட்டதாகவும், வெற்றிமாறன் மட்டுமே தன்னுடன் இருப்பதாகவும் நடிகர் தனுஷ் மனம் திறந்துள்ளார்.
தமிழ் சினிமாவில் அறிமுகமாகி தற்போது ஹாலிவுட்டில் அவெஞ்சர்ஸ் பட இயக்குநரின் The Grey Man திரைப்படத்தில் நடித்து வியக்க வைத்துள்ள நடிகர் தனுஷ்.
ஆடுகளம், அசுரன் படங்களுக்காக தேசிய விருதை இரு முறை பெற்ற தனுஷ், அந்த படங்களை இயக்கிய இயக்குநர் வெற்றிமாறனுடன் நல்ல நட்பில் இருக்கிறார். இதனால் இந்த வெற்றிக்கு கூட்டணிக்கு ரசிகர்கள் இடையில் நல்ல வரவேற்பும், எதிர்பார்ப்பும் உண்டு.
இந்த நிலையில் தனியார் தொலைக்காட்சிக்கு நேர்காணல் அளித்த தனுஷ், தனது வாழ்க்கையில் முக்கியமானவர்கள் குறித்து பேசினார். அவர் கூறும்போது, 'நான் வாழ்க்கையில் மிக மிக நம்பிக்கை வைத்த நான்கு பேரில் ஒருவர் வெற்றிமாறன். மீதி மூன்று பேர் பெண்கள். அவ்வளவு நம்பிக்கையை நான் யார் மீதும் வைத்தது இல்லை. ஆனால் அந்த மூன்று பெண்களும் என்னை கீழே தள்ளிவிட்டார்கள். என் நம்பிக்கையை காப்பாற்றிய ஒரே ஆள் வெற்றிமாறன் மட்டும் தான்.
அதை விட பெரிய விடயம் என்னவென்றால், வெற்றியை அனுபவித்ததற்கு பின் என்னை மறந்துவிட்டு போன ஒருத்தரை எனக்கு தெரியும்.
அதைவிட பெரிய வெற்றியை பார்த்த வெற்றிமாறன், தனுஷை விட்டு நான் வரமாட்டேன் என்று இன்னும் என் கூட இருக்கார்' என உருக்கத்துடன் தெரிவித்துள்ளார்.
