உடற்பயிற்சியின்போது மாரடைப்பு..41 நாட்கள் உயிருக்கு போராடிய நடிகர் மரணம்.. பிரதமர் வெளியிட்ட இரங்கல் பதிவு

உத்தர பிரதேச மாநிலம் கான்பூரை சேர்ந்தவர் ராஜூ ஸ்ரீவஸ்தவா (58)

1988ஆம் ஆண்டு அனில் கபூர் நடிப்பில் வெளியான டெஜாப் படத்தின் மூலம் ராஜூ ஸ்ரீவஸ்தவா அறிமுகமானார்

மருத்துவமனையில் சிகிச்சை பெற்று வந்த பிரபல இந்தி நடிகர் ராஜூ ஸ்ரீவாஸ்தவா மரணமடைந்தார்.

இந்தி திரையுலகில் நகைச்சுவை நடிகராக வலம் வந்த ராஜூ ஸ்ரீவாஸ்தவா, கடந்த ஆகத்து மாதம் உடற்பயிற்சி செய்துகொண்டிருந்தபோது மாரடைப்பு ஏற்பட்டு மயங்கி விழுந்தார்.

அதனைத் தொடர்ந்து அவர் உடனடியாக மருத்துவமனைக்கு கொண்டு செல்லப்பட்டார். அங்கு அவருக்கு இருமுறை CPR சிகிச்சை அளிக்கப்பட்டது. ஆனால் அவர் பல நாட்கள் சுயநினைவின்றி இருந்தார்.

41 நாட்கள் உயிருக்கு போராடிய ராஜூ ஸ்ரீவாஸ்தவா சிகிச்சை பலனின்றி உயிரிழந்தார். அவருக்கு வயது 58. அவரது மறைவு இந்தி திரையுலகை சோகத்தில் ஆழ்த்தியுள்ளது. திரையுலக பிரபலங்கள் பலரும் அவருக்கு இரங்கல் தெரிவித்து வருகின்றனர்.

அதேபோல் இந்திய பிரதமர் நரேந்திர மோடியும் அவருக்கு இரங்கல் தெரிவித்துள்ளார். ராஜூ ஸ்ரீவாஸ்தவாவுடன் எடுத்துக் கொண்ட புகைப்படத்தை பகிர்ந்துள்ள அவர் வெளியிட்ட பதிவில்,

'சிரிப்பு, நகைச்சுவை மற்றும் நேர்மறை எண்ணங்கள் ராஜு ஸ்ரீவஸ்தவா மூலம் நம் வாழ்க்கையை பிரகாசமாக்கினார். அவர் மிக விரைவில் நம்மை விட்டு பிரிந்து செல்கிறார். ஆனால் அவர் பல ஆண்டுகளாக, தனது செழுமையான பணியால் எண்ணற்ற மக்களின் இதயங்களில் தொடர்ந்து வாழ்வார். அவரது மறைவு வருத்தமளிக்கிறது. அவரது குடும்பத்தினருக்கும், ரசிகர்களுக்கும் இரங்கல்கள். ஓம் சாந்தி' என தெரிவித்துள்ளார்.   

Raju Srivastava brightened our lives with laughter, humour and positivity. He leaves us too soon but he will continue to live in the hearts of countless people thanks to his rich work over the years. His demise is saddening. Condolences to his family and admirers. Om Shanti. pic.twitter.com/U9UjGcfeBK

— Narendra Modi (@narendramodi) September 21, 2022