லங்காசிறி FM
தூக்கில் சடலமாக தொங்கிய பிரபல தமிழ் திரைப்பட வில்லன் நடிகரின் மருமகள்! மகன் கைது... வெளிவரும் பகீர் பின்னணி
பிரபல நடிகர் ராஜன் பி தேவின் மருமகள் பிரியங்கா தற்கொலை செய்து கொண்ட சம்பவத்தில் அவர் மகனான நடிகர் உன்னி தேவை பொலிசார் கைது செய்துள்ளனர்.
தமிழில் சூரியன், செங்கோட்டை, குஷி, ரெட், தெனாவட்டு, பெரிய இடத்து மாப்பிள்ளை உள்ளிட்ட ஏராளமான திரைப்படங்களில் வில்லனாகவும், குணச்சித்திர வேடங்களிலும் நடித்துள்ளவர் ராஜன் பி தேவ்.
இவர் மலையாளத்திலும் அதிக திரைப்படங்களில் நடித்துள்ளார். இவரின் மகன் உன்னி தேவும் பிரபல நடிகராக உள்ளார். இவருக்கும் பிரியங்கா (26) என்ற பெண்ணுக்கும் 2019-ல் திருமணம் நடந்தது.
இவர்கள் கேரளாவில் எர்ணாகுளம் பகுதியில் வசித்தனர். இந்நிலையில் கணவன் மனைவிக்குள் அடிக்கடி தகராறு ஏற்பட்டுள்ளது.
இதனால் உன்னி தனது மனைவியை அடித்து துன்புறுத்தியதாக கூறப்படுகிறது. கடந்த 11-ஆம் திகதி பெற்றோர் வீட்டிற்கு வந்த பிரியங்கா, 12ஆம் திகதி பகல் 2 மணியளவில் தனது படுக்கையறையில் தூக்கிட்டு தற்கொலை செய்து கொண்டார்.
இந்நிலையில் தற்கொலை செய்து கொள்வதற்கு ஒரு நாள் முன்னதாக வட்டப்பாறா காவல் நிலையத்தில் தனது கணவர் மீது புகார் அளித்திருந்தார் பிரியங்கா, அதில் தனது கணவர் தன்னை அடித்து துன்புறுத்துவதாகவும் பணம் கேட்டு கொடுமைப்படுத்துவதாகவும் தெரிவித்திருந்தார்.
பிரியங்காவின் சாவுக்கு உன்னி தான் காரணம் என அவரது உறவினர்கள் குற்றம்சாட்டினர். அதற்கேற்றார் போல பிரியங்கா உடல் முழுவதும் காயம் இருந்தது.
இந்த சம்பவம் தொடர்பாக ஒரு வாரத்துக்கு மேலாக பொலிசார் விசாரணை நடத்தி வந்தனர், விசாரணையில் பிரியங்காவின் நகைகளை விற்று உன்னி செலவு செய்ததும் அவரை கொடுமைப்படுத்தியதும் தெரியவந்தது.
இந்த நிலையில் கொரோனாவால் பாதிக்கப்பட்டிருந்த உன்னியை நேற்று முன் தினம் பொலிசார் கைது செய்துள்ளனர்.
அவரிடம் விசாரணை நடந்து வரும் நிலையில் சம்பவம் தொடர்பில் மேலும் பல அதிர்ச்சி தகவல்கள் வெளியாகும் என எதிர்பார்க்கப்படுகிறது.
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
