லங்காசிறி FM
போதைப்பொருள் கொடுத்து வன்புணர்வு.. நடிகர் மீது புகார் அளித்த இளம் நடிகைக்கு மிரட்டல்!
Sivaraj
in பொழுதுபோக்கு
கேரளாவில் தன்னை வன்புணர்வு செய்ததாக மலையாள நடிகை ஒருவர் புகார் அளித்த நிலையில், அவருக்கு புகாரை திரும்ப பெறுமாறு மிரட்டல் வந்துள்ளதாக தகவல் வெளியாகியுள்ளது.
மலையாள நடிகரும், தயாரிப்பாளருமான விஜய் பாபு தன்னை ஒன்றரை மாதங்களாக வன்புணர்வு செய்ததாக, கடந்த மாதம் 22ஆம் திகதி இளம் நடிகை ஒருவர் அதிர்ச்சி புகார் அளித்திருந்தார். இந்த விடயம் பெரும் பரபரப்பை ஏற்படுத்தியது.
அதனைத் தொடர்ந்து வழக்குப்பதிவு செய்த பொலிசார் விசாரணை நடத்தி வருகின்றனர். இதனை அறிந்த நடிகர் விஜய் பாபு துபாய்க்கு தப்பிச் சென்றுவிட்டார். அவரை நேரில் ஆஜர் ஆகுமாறு பொலிசார் சம்மன் அனுப்பியபோது, தனக்கு 19ஆம் திகதி வரை அவகாசம் வேண்டும் என பதில் அனுப்பினார்.
எனினும், அவரது பதிலை ஏற்க மறுத்த பொலிசார், சர்வதேச பொலிசாரின் உதவியுடன் விஜய் பாபுவை கைது செய்ய நடவடிக்கை மேற்கொண்டு வருகின்றனர். இந்த நிலையில், தன் மீது அளித்த வன்புணர்வு புகாரை திரும்பப் பெறுமாறு குறித்த நடிகைக்கு மிரட்டல் விடுக்கப்பட்டுள்ளதாக தெரிய வந்துள்ளது.
இதுதொடர்பாகவும் பொலிசார் விசாரணை மேற்கொண்டுள்ளதாக தெரிவிக்கப்பட்டுள்ளது. இதற்கிடையில், வெளிநாடுகளில் உள்ள சிலர் விஜய் பாபுவின் மூலம் தங்களது கருப்பு பணத்தை சினிமாவில் முதலீடு செய்துள்ளனரா என பொருளாதார குற்றப்பிரிவு பொலிசார் விசாரணை மேற்கொண்டுள்ளனர்.
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
ஆலங்குளாய், சங்கானை, யாழ்ப்பாணம், Dammam, Saudi Arabia, Rheine, Germany, Rushden, United Kingdom
29 Jul, 2024
