இலங்கையில் முரளிதரனால் நடிகர் விஜய்க்கு காத்திருக்கும் பிரச்சனை? விமர்சகர் கூறிய விடயம்

அரசியல் கனவில் இருக்கும் நடிகர் விஜய், ஈழத்தமிழர்களை பகைத்துக் கொள்ளும் விடயம் இலங்கையில் நடக்கும் திரைப்பட விமர்சகர் அந்தணன் தெரிவித்துள்ளார். 

இலங்கையில் படப்பிடிப்பு  

வெங்கட்பிரபு இயக்கத்தில், நடிகர் விஜய்யின் The Greatest of All Time (G.O.A.T) படத்தின் படப்பிடிப்பு நடந்து வருவதாக தகவல் வெளியானது.

அதிலும் தமிழர்கள் வசிக்கும் பகுதியில் படப்பிடிப்பு நடத்தப்பட்டு வருவதாக கூறப்படுகிறது. 

இந்த நிலையில், ஈழத்தமிழர்களின் வெறுப்பை சம்பாதிக்கும் நிலைக்கு நடிகர் விஜய் தள்ளப்படலாம் என திரைப்பட விமர்சகர் அந்தணன் வீடியோ ஒன்றை வெளியிட்டுள்ளார். 

விஜய்க்கு ஆபத்து

அதில் பேசிய அந்தணன், லண்டனில் வசிக்கும் தனது நண்பர் ஒருவர் இலங்கையில் விஜய்க்கு ஆபத்து காத்திருப்பதாக எச்சரித்ததாக கூறுகிறார்.

அதாவது, தமிழர்கள் மீது சிங்களவர்கள் இன்னும் கோபத்தில் இருந்தாலும், அதனை வெளியில் காட்டிக்கொள்ளக் கூடாது என்பதற்காக அங்கு வரும் தமிழ் பிரபலங்கள், சாதித்தவர்களுடன் புகைப்படம் எடுத்துக் கொள்கின்றனர். 

கேப்டன் இறப்பிற்கு வரல..ஜாதகப்படி வடிவேலுக்கு அடுத்த வருஷம் தான் - நடிகர் சிங்கமுத்து ஆவேசம்

அதனால் தான் அரசியல் கனவில் உள்ள நடிகர் விஜய், ஒருவேளை சிங்கள அரசியல் பிரபலங்களுடன் புகைப்படம் எடுத்துக் கொள்ளும் சூழல் வந்தால், அது ஈழத்தமிழர்கள் இடையே வெறுப்பை உண்டாக்கும்.

அது முத்தையா முரளிதரனால் நடக்கும். ஏனெனில், இயக்குநர் வெங்கட் பிரபுக்கு முன்னாள் வீரரான முத்தையா முரளிதரன் நண்பர். 

எனவே தான், இது அவரது அரசியல் எதிர்காலத்தை பாதிக்கும் என்று தனது நண்பர் எச்சரித்ததாக அந்தணன் கூறியுள்ளார்.

மேலும் அவர், இதில் எந்த அளவுக்கு உண்மை இருக்கிறது என்று தெரியவில்லை என்றும் குறிப்பிட்டுள்ளார்.   

Reuters