லங்காசிறி FM
விற்பனைக்கு வந்துள்ள நடிகர் விஜயின் ரோல்ஸ் ராய்ஸ் கார்.., விலை எவ்வளவு தெரியுமா?
Yashini
in பொழுதுபோக்கு
தளபதி விஜய் தனது ரோல்ஸ் ராய்ஸ் காரை விற்க முடிவு செய்துள்ளதாக தகவல் வெளியாகியுள்ளது.
நடிகர் விஜய் 2012 ஆம் ஆண்டு பிரிட்டனில் ரோல்ஸ் ராய்ஸ் கோஸ்ட்(Rolls-Royce Ghost) காரை வாங்கியிருந்தார்.
காரின் வாகன பதிவுக்காக கொண்டு சென்றபோது, காருக்கு நுழைவு வரி செலுத்தும்படி வணிக வரித்துறை உதவி ஆணையர் உத்தரவிட்டார்.
ஏனெனில் வெளிநாட்டில் இருந்து இறக்குமதி செய்த காருக்கு நுழைவு வரி செலுத்தப்பட்டால்தான் வாகனத்தை பதிவு செய்ய முடியும்.
காரின் விலையை விட இறக்குமதி வரி, சாலை வரி மற்றும் பல வரிகளால், தொகை அதிகமாக இருந்தது.
இதனால், அதிர்ச்சியடைந்த விஜய், நுழைவு வரியை ரத்து செய்ய வேண்டும் என்ற கோரிக்கை முன்வைத்து சென்னை உயர்நீதிமன்றத்தில் வழக்கு தொடர்ந்தார்.
மனுவை விசாரித்த நீதிபதி மனுதாரர் புகழ் பெற்ற நடிகர் என்பதால் "ரீல் ஹீரோக்களாக மட்டும் இருக்காதீர்கள், ரியல் ஹீரோக்கள் ஆகவும் இருங்கள்.
வரி என்பது நன்கொடையல்ல, அது ஒரு கட்டாயப் பங்களிப்பு என்றார். மேலும், வரிவிலக்கு தடை கேட்டதற்காக, விஜய்க்கு 1 லட்சம் ரூபாய் அபராதமும் விதித்து வரியையும் கட்ட சொல்லி உத்தரவிட்டார்.
இந்த வழக்கு 2021 ஆம் ஆண்டு சமூக வலைத்தளங்களிலும், செய்திகளிலும் பரபரப்பாக பேசப்பட்டது.
இந்நிலையில், அந்த ரோல்ஸ் ராய்ஸ் கார் இப்போது செகண்ட் ஹேண்ட் மார்க்கெட்டில் விற்பனைக்கு வந்துள்ளது.
நடிகர் விஜய் வாங்கிய ரோல்ஸ் ராய்ஸ் கோஸ்ட் சீரிஸ்1 வகையை சேர்ந்த அந்த காரின் விலை 3.5 கோடி ரூபாயாகும்.
இந்த கார், லிட்டருக்கு 5 - 8km வரை மைலேஜ் கொடுக்கக் கூடியது. இதன் அதிகபட்ச வேகம் 250km ஆகும்.
மினிகூப்பர், இனோவா, பிஎம்டபிள்யூ என விஜய் பல கார்களை வைத்திருந்தாலும், இந்த கார் மீது அவருக்கு தனிப்பிரியம் உண்டு.
நடிகர் விஜயின் இந்த கார், Empire Autos எனும் ப்ரீமியம் கார் டீலர்ஷிப்பில் விற்பனைக்கு வந்துள்ளது.
இதற்காக காரின் புகைப்படங்களை அந்த இன்ஸ்டாகிராம் பக்கத்தில் பகிரப்பட்டுள்ளது. மேலும், இந்த காரின் விலை, ரூ. 2.6 கோடி என்று அதில் குறிப்பிடப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நல்லூர் கந்தசுவாமி கோவில் 11 ஆம் நாள் திருவிழா
புங்குடுதீவு 4ம் வட்டாரம், புங்குடுதீவு 1ம் வட்டாரம், Drancy, France
08 Aug, 2023
யாழ்ப்பாணம், கொக்குவில், Wellawatte, Pinner, United Kingdom
04 Aug, 2025
கொழும்பு, வவுனியா, யாழ்ப்பாணம், வண்ணார்பண்ணை, ஊரெழு, Bad Nauheim, Germany, Tolworth, United Kingdom
02 Aug, 2025
