லங்காசிறி FM
தவெகவில் இணைந்த நடிகர்கள் ரவி மரியா, ஜே.எம்.பஷீர் - பட்டு உடையில் முதல்வர் விஜய்
நடிகர்கள் ரவி மரியா, ஜே.எம்.பஷீர் உள்ளிட்ட பலரும் இன்று தவெகவில் இணைந்ததுள்ளனர்.
தவெகவில் இணைந்த நடிகர் ரவி மரியா
2026 தமிழ்நாடு சட்டமன்ற தேர்தலில் எதிர்பாராத வெற்றியை பெற்று, விஜய்யின் தமிழக வெற்றிக்கழகம் ஆட்சியை கைப்பற்றிய நிலையில், மாற்று கட்சியை சேர்ந்த பலரும் அந்த கட்சியில் இணைந்து வருகின்றனர்.
ஒவ்வொரு சனிக்கிழமையும் பனையூரில் உள்ள தவெக தலைமை அலுவலகத்தில் மாற்று கட்சியினரின் இணைப்பு விழா நடைபெற்று வருகிறது.
இன்று அமைச்சரும், தவெக பொதுச்செயலாளருமான ஆனந்த் முன்னிலையில் ஏராளமானோர் தவெகவில் இணைந்துள்ளனர்.
அதிமுகவில் இருந்து நேற்று விலகிய முன்னாள் அமைச்சர் வைகைச்செல்வன், இன்று தவெகவில் இணைந்துள்ளார்.
மேலும், அதிமுகவில் இருந்த நடிகரும், இயக்குநருமான ரவி மரியா தவெகவில் இணைந்துள்ளார். இவர் குஷி தொடங்கி, ஜில்லா, மனம் கொத்தி பறவை கர உள்ளிட்ட பல்வேறு படங்களில் நடித்துள்ளார்.
திமுகவில் இருந்த நடிகர் ஜே.எம்.பஷீர் தவெகவில் இணைந்துள்ளார்.
மேலும், திமுகவை சேர்ந்த முன்னாள் எம்.எல்.ஏ வி.பி.கலைராஜன் தவெகவில் இணைந்துள்ளார்.
2006, 2011 தேர்தலில் அதிமுக சார்பில் திநகர் சட்டமன்ற தொகுதியில் போட்டியிட்டு வெற்றி பெற்ற இவர், ஜெயலலிதா மறைவிற்கு பின்னர் அதிமுகவில் இருந்து விலகி, 2 ஆண்டுகள் அமமுகவில் இருந்தார். 2019 ஆம் ஆண்டு முதல் திமுகவில் இருந்த இவர், தற்போது தவெகவில் இணைந்துள்ளார்.
இதேபோல், திமுக எம்பி ஜெகத்ரட்சகனின் மகனான மகன் சந்தீப் ஆனந்த் தவெகவில் இணைந்துள்ளார்.
மேலும், அதிமுக முன்னாள் எம்.எல்.ஏ. கே. பி. கந்தன், அவரது மகன் அதிமுக கவுன்சிலர் K.P.K. சதீஸ் ஆகியோர் தவெகவில் இணைந்துள்ளனர்.
பட்டு உடையில் முதல்வர் விஜய்
முதல்வரும், தவெக தலைவருமான விஜய் பட்டு வேஷ்டி, பட்டு சட்டை அணிந்து இன்று தலைமை அலுவலகத்திற்கு வருகை தந்துள்ளார்.
தவெகவில் சமீபத்தில் இணைந்துள்ள மாற்று கட்சியினருக்கு பதவி வழங்குவது குறித்து ஆலோசனை நடத்த உள்ளதாக தகவல் வெளியாகியுள்ளது.
சமீபத்தில் தவெகவில் இணைந்த முன்னாள் அமைச்சர்கள் சி.விஜயபாஸ்கர், எம்.ஆர் .விஜயபாஸ்கர் ஆகியோரும் வருகை தந்துள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
யாழ் கோப்பாய் வடக்கு, Jaffna, Scarborough, Canada, Whitby, Canada
28 Jun, 2026
புங்குடுதீவு 5ம் வட்டாரம், யாழ்ப்பாணம், Fareham, United Kingdom
04 Jul, 2023
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021