லங்காசிறி FM
எங்க வீட்ல முட்டி வரை சாக்கடை தண்ணி நிக்கிது.., ஷர்மிளாவுக்கு நடிகை கஸ்தூரி பதிலடி
சென்னையில் மழை பெய்து வரும் நிலையில் நடிகை கஸ்தூரிக்கும், ஷர்மிளாவுக்கும் இடையே வார்த்தை போர் நிகழ்ந்து வருகிறது.
சென்னையில் தற்போது மழை வெளுத்து வாங்கி வரும் நிலையில் முதலமைச்சர் மு.க.ஸ்டாலின், துணை முதலமைச்சர் உதயநிதி ஸ்டாலின் உள்ளிட்ட திமுக அரசியல் தலைவர்கள் மழையால் பாதிக்கப்பட்ட பகுதிகளுக்கு நேரில் சென்று ஆய்வை மேற்கொண்டு வருகின்றனர்.
இதனிடையே, அதிமுக, பாஜக, பாமக உள்ளிட்ட எதிர்க்கட்சிகள் ஆளும் கட்சியை விமர்சித்து பல்வேறு கருத்துக்களை தெரிவித்து வருகின்றனர்.
ஷர்மிளா பதிவு
இந்நிலையில், திமுக ஆதரவாளரும், விசிகவின் முக்கிய பிரமுகருமான டாக்டர் ஷர்மிளா தனது ட்விட்டர் எக்ஸ் தளத்தில், "மழையை பற்றி ஓவரா பேசிப் பேசி ஒரு பீதியை கிளப்ப முயற்சி பண்றாங்களோன்னு தோணுது.
முன்எச்சரிக்கையுடன் இருங்க.. பாதுகாப்பா செயல்படுங்க, ஆனா மழையை ரசிக்க மறந்துடாதீங்க. நமக்கு வருஷத்துல ரெண்டு மாசம் தான் இந்த வாய்ப்பு கிடைக்கும. ஏதோ சொல்லணும்னு தோணிச்சு… சொன்னேன்" என்று கூறியுள்ளார்.
கஸ்தூரி பதில்
இவரின் கருத்துக்கு நடிகை கஸ்தூரி தனது ட்விட்டர் எக்ஸ் தளத்தில், "ரோம் நகரம் எரிந்த போது நீரோ மன்னன் பிடில் வாசித்தானாம். இந்தம்மா மழைய ரசிக்க சொல்லுது.
எங்க வீட்லல்லாம் முட்டி வரை சாக்கடை தண்ணி முட்டி நிக்குது. பழைய பில்டிங். மழைய ரசிக்க முடியல . உங்க மாடி வீட்டுல இருக்கவச்சு சூடா டீ சம்சா குடுத்தீங்கன்னா நாங்களும் ரசிப்போம்" என்று பதில் அளித்துள்ளார்.
இந்நிலையில், கஸ்தூரியின் வீட்டின் முன்பு தண்ணீர் தேங்கவில்லை என்று வீடியோ எடுத்து திமுக ஆதரவாளர்கள் அவருக்கு பதில் கொடுத்து வருகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
