லங்காசிறி FM
எனது நாடு கனடா; இலங்கை அல்ல தமிழ் ஈழப்பெண் அடையாளத்தையே விரும்புகிறேன் - இளம் நடிகை
Actress maitreyi ramakrishnan changed dialogue tamil identity: கனடாவைச் சேர்ந்த நடிகை மைத்ரேயி ராமகிருஷ்ணன், தன்னை தமிழ் ஈழப்பெண் என்று அடையாளப்படுத்தவே விரும்புவதாக தெரிவித்துள்ளார்.
இலங்கை தமிழர் என்பதற்கு பதிலாக தமிழ் ஈழப்பெண் என்ற அடையாளத்தையே விரும்புகிறேன் என கனடாவைச் சேர்ந்த நடிகை மைத்ரேயி ராமகிருஷ்ணன் கூறியுள்ளது பேசுபொருளாகியுள்ளது.
மைத்ரேயி ராமகிருஷ்ணன்
நெவர் ஹேவ் ஐ எவர், தி பாய்ஸ் தொடர்களிலும், ஃப்ரீகியர் ஃப்ரைடே மற்றும் நெட்பிலிக்சில் வெளியாகி வரவேற்பை பெற்றுள்ள 'பெஸ்ட் ஆப் பெஸ்ட்' திரைப்படங்களில் நடித்தவர் மைத்ரேயி ராமகிருஷ்ணன்.
24 வயது நடிகையான இவர் கனடாவின் Mississauga பகுதியைச் சேர்ந்தவர் ஆவார். எனினும் இலங்கை ஈழத்தை பூர்வீகமாகக் கொண்ட இவர் தற்போது பேசியுள்ள விடயம் பேசுபொருளாகியுள்ளது.
மைத்ரேயி தனது புதிய நெட்பிலிக்ஸ் திரைப்படத்தின் (பெஸ்ட் ஆப் பெஸ்ட்) விளம்பர நடவடிக்கையின்போது, தன்னை ஒரு "தமிழ் ஈழப் பெண்" என்று குறிப்பிட்டதைத் தொடர்ந்து, தனது அடையாளம் குறித்த கடுமையான விமர்சனங்களை எதிர்கொண்டு வருகிறார்.
அதாவது, "எனது கலாச்சாரம் தமிழ். எனது நாடு கனடா; இலங்கை தமிழர் என்பதற்கு பதிலாக தமிழ் ஈழப்பெண் என தன்னை அடையாளப்படுத்தவே விரும்புகிறேன்" என மைத்ரேயி ராமகிருஷ்ணன் கூறியிருந்தார்.
இந்த நிலையில், தன்னை இலங்கைத் தமிழராக கருதாமல் 'தமிழ்-கனேடியர்' என்றே அடையாளப்படுத்திக் கொள்வதாகவும் மைத்ரேயி குறிப்பிட்டிருக்கிறார். அவரது இந்த அடையாள வெளிப்பாடு அப்படத்திலும் இடம்பெற்றுள்ளது.
ஒரு காட்சியில் மைத்ரேயியை ஒரு கதாபாத்திரம் இந்தியர் என்று தவறாக கருதுகிறது. அதற்கு அவர், "நான் தமிழர். என் குடும்பத்தினர் இலங்கையைச் சேர்ந்தவர்கள்" என்று திருத்தம் செய்கிறார்.
நான் தமிழர்
ஆனால், அந்த காட்சியின் முந்தைய வடிவத்தில் மைத்ரேயி, தன்னை "இலங்கைத் தமிழர்" என்று குறிப்பிடுவது போல் அமைக்கப்பட்டிருந்தது.
பின்னர் தன்னை அவ்வாறு அடையாளப்படுத்திக் கொள்ளாததால், அந்த வசனத்தை மாற்றுமாறு அவர் கேட்டுக் கொண்டார். தனது சொந்தக் குடும்பப் பின்னணியைக் கொண்டு இதற்கான வித்தியாசத்தை அவர் விளக்கியிருக்கிறார். அவரது பெற்றோர் இலங்கையில் வளர்ந்தவர்கள்; பின்னர் உள்நாட்டுப் போரின் காரணமாக அங்கிருந்து புலம்பெயர்ந்துள்ளனர்.
மைத்ரேயி தனது இலங்கை அடையாளத்தில் இருந்து விலகி செல்வதாக கருதும் தரப்பினர், அவரது இந்த கருத்துகளால் அதிருப்தி அடைந்துள்ளனர். அதனால் மீது எதிர்மறையான விமர்சனங்கள் கிளப்பியுள்ளன. அவருக்கு எதிராக இலங்கையைச் சேர்ந்த பல இணையப் பக்கங்களும் கருத்துக்களை பதிவிடுகின்றன.
அதே சமயம் தமிழ் புலம்பெயர் சமூகத்தினர் பலரும் அவருக்கு ஆதரவாக கருத்துக்களை தெரிவித்து வருகின்றனர். அவர் தன்னை ஒரு தமிழர் என்று அடையாளப்படுத்துவதை வேறு பலரும் வரவேற்றுள்ளனர்.
யாழ்ப்பாணம், வவுனியா, கனடா, Canada, Montreal, Canada
31 Aug, 2015
