லங்காசிறி FM
பிரபல நடிகை மீனாவின் மொத்த குடும்பத்துக்கும் கொரோனா தொற்று!
Raju
in பொழுதுபோக்கு
பிரபல நடிகை மீனாவின் மொத்த குடும்பமும் கொரோனா தொற்றால் பாதிக்கப்பட்டுள்ளனர். இந்த தகவலை அவரே உறுதி செய்துள்ளார்.
உலகளில் மீண்டும் கொரோனா தாக்கம் நாளுக்கு நாள் அதிகரித்து வருகிறது. தமிழகத்திலும் கடந்த சில நாட்களாக கொரோனா தொற்றின் எண்ணிக்கை அதிகமாகியுள்ளது.
இதனால் பொதுமக்களும், பிரபலங்களும் பாதிக்கப்பட்டு வருகின்றனர். சமீபத்தில் நடிகர்கள் கமல் ஹாசன், வடிவேலு கொரோனா தொற்றால் பாதிக்கப்பட்டு குணமடைந்தனர்.
இந்நிலையில் தற்போது நடிகை மீனாவின் குடும்பத்தினர் கொரோனா தொற்றால் பாதிக்கப்பட்டுள்ளனர்.
இது குறித்து சமூகவலைதளத்தில் பதிவிட்டுள்ள அவர், 2022 புத்தாண்டில் எங்க வீட்டுக்கு விருந்தாளியாக கொரோனா வந்துள்ளது. அது என் மொத்த குடும்பத்தை விட்டுவைக்கவில்லை. ஜாக்கிரதையாகவும், பாதுகாப்பாகவும் ஆரோக்கியமாகவும் இருங்கள்.
உங்கள் பிரார்த்தனையில் எங்களையும் வையுங்கள் என பதிவிட்டுள்ளார்.
