கனடாவில் கார் விபத்தில் சிக்கிய நடிகை ரம்பா; விபத்துக்குப்பின் குழந்தைகளுடன் வெளியிட்ட படங்கள்

கனடாவில் நடிகை ரம்பா தனது குழந்தைகளுடன் சென்ற கார் கடந்த வாரம் விபத்தில் சிக்கியது.

கார் விபத்துக்குப் பிறகு ரம்பா தனது குழந்தைகளுடன் புகைப்படங்களைப் பகிர்ந்துள்ளார்.

இலங்கைத் தமிழரை திருமணம் செய்துகொண்டு கனடாவில் குடியேறிய நடிகை ரம்பா, கடந்தவாரம் தனது குழந்தைகளுடன் கார் விபத்தில் சிக்கி மீண்டதை அடுத்து சில புகைப்படங்கள் மற்றும் வீடியோக்களை வெளியிட்டுள்ளார்.

90-களில் தென்னிந்தியத் திரைத்துறையில் முன்னணி நடிகையாக வலம்வந்த நடிகை ரம்பா, சமீபத்தில் தனது குழந்தைகளுடன் பயணம் செய்தபோது விபத்துக்குள்ளானார்.

எனினும், அதிர்ஷ்டவசமாக சிறு காயங்களுடன் குடும்பத்தினர் உயிர் தப்பினர்.

ரசிகர்களுக்கு நன்றி

சமூக ஊடகங்களில் ஏராளமான ரசிகர்களை தனது பின்தொடர்பாளர்களாக கொண்டுள்ள ரம்பா தனது ரசிகர்களுக்கு, விபத்துக்குப் பிறகு தனது குடும்பத்துடன் பாதுகாப்பாக இருப்பதை உறுதிசெய்யும் மகிழ்ச்சியான படங்களைப் பகிர்ந்துள்ளார்.

சமூக ஊடகத்தில் பகிரப்பட்ட படத்தில், ரம்பா தனது மகள் சாஷா மற்றும் அவரது மகனுடன் போஸ் கொடுப்பதைக் காணலாம்.

மற்றொரு இன்ஸ்டாகிராம் பதிவில், ரம்பா தனது மகன் நடிகர் விஜயின் பிரபலமான பாடலுக்கு நடனமாடும் வீடியோவைப் பகிர்ந்துள்ளார். மேலும், மற்றோரு வீடியோவில், தனக்காகவும், தனது குழந்தைகளுக்காகவும் வேண்டிக்கொண்ட ரசிகர்களுக்கும் நலம் விரும்பிகளுக்கு தனது நன்றியை தெரிவித்துக்கொண்டார்.

இதற்கிடையில், நடிகை மற்றும் அவரது குழந்தைகள் பாதுகாப்பாக இருப்பதைக் கண்டு ரசிகர்கள் மகிழ்ச்சியடைந்துள்ளனர் மற்றும் அவர்கள் ஆரோக்கியமாக வாழ வாழ்த்தி வருகின்றனர்.

இலங்கைத் தமிழருடன் திருமணம்

ஏப்ரல் 2010-ல், கனடாவைச் சேர்ந்த இலங்கை தமிழ் தொழிலதிபர் இந்திரகுமார் பத்மநாதனை ரம்பா திருமணம் செய்து கொண்டார். மேலும் நடிகை தற்போது கனடாவில் தனது குடும்பத்துடன் வசித்து வருகிறார்.

View this post on Instagram

A post shared by RambhaIndrakumar? (@rambhaindran_)

விபத்து

நவம்பர் 1-ஆம் திகதி, ரம்பா தனது மகள்கள் லான்யா, சாஷா மற்றும் மகன் ஷிவின் ஆகியோரை பள்ளியிலிருந்து அழைத்துக் கொண்டு வீட்டிற்குச் சென்று கொண்டிருந்த போது, ​​கார் மற்றொரு வாகனத்துடன் மோதியது. ரம்பாவும் அவரது மூன்று குழந்தைகளும் சிறு காயங்களை எதிர்கொண்டனர், அவர்கள் அருகில் உள்ள மருத்துவமனையில் அனுமதிக்கப்பட்டனர்.

அப்போது விபத்துக்குள்ளான தனது கார் மற்றும் குழந்தைகளின் புகைப்படங்களை வெளியிட்டு, மருத்துவமனையில் சிகிச்சை பெறும் குழந்தைக்காக பிரார்த்தனை செய்யுமாறு வீடியோவும் வெளியிட்டார்.

View this post on Instagram

A post shared by RambhaIndrakumar? (@rambhaindran_)

ரம்பாவின் சினிமா 

ரம்பா தமிழ், தெலுங்கு, கன்னடம், மலையாளம் மற்றும் இந்தி படங்களில் பணியாற்றியுள்ளார், ஆனால் அவர் தமிழில் தான் அதிகம் நடித்துள்ளார். ரம்பா கடைசியாக பிரகாஷ் ராஜ் உடன் இணைந்து 'விடியும் வரை கத்தி' படத்தில் நடித்தார், ஆனால் 2010-ல் எடுக்கப்பட்ட படம் சில காரணங்களால் கிடப்பில் போடப்பட்டதால் திரையரங்குகளில் வெளியிட முடியவில்லை. ஆனால் தமிழில் தான் அதிகம் நடித்தார்.