லங்காசிறி FM
கங்கை கரையோரம் கோலாகலமாக நடந்துமுடிந்த நடிகை ரம்யா பாண்டியனின் திருமணம்
தமிழ்நாட்டில் பிரபலமான நடிகையாக வலம்வருபவர் நடிகை ரம்யா பாண்டியன்.
ஜோக்கர், ஆண் தேவதை, ராமே ஆண்டாலும் ராவணன் ஆண்டாலும், நண்பகல் நேரத்து மயக்கம் போன்ற படங்களில் இவர் நடித்துள்ளார்.
இவருக்கு பட வாய்ப்புகள் பெரிதாக இல்லை என்றாலும் குக் வித் கோமாளி நிகழ்ச்சி, இவருக்கான ரசிகர் பட்டாளத்தை மேலும் அதிகரித்தது.
இந்நிலையில், ரம்யா பாண்டியன் யோகா மாஸ்டர் லோவல் தவான் (Lovel Dhawan) என்பவரை காதலித்து வருவதாகவும், அவரை திருமணம் செய்ய இருப்பதாகவும் தகவல்கள் வெளியானது.
அதனை ரம்யா பாண்டியனும் சில நாள்களுக்கு முன் உறுதிசெய்தார்.
இன்று உத்தரகாண்டின் ரிஷிகேஷ் நகரில் கங்கை நதிக்கரையோரத்தில் ரம்யா பாண்டியன் - லோவல் தவான் திருமணம் நடந்துள்ளது.
இத்திருமண நிகழ்வில் குடும்பத்தினர், உறவினர்கள், நெருங்கிய நண்பர்கள் உள்ளிட்டோர் மட்டுமே கலந்துகொண்டுள்ளனர்.
மேலும் இவர்களின் திருமண வரவேற்பு நிகழ்ச்சி வரும் நவம்பர் 15ஆம் திகதி சென்னையில் பிரம்மாண்டமாக நடக்க இருப்பதாகவும் தகவல்கள் கூறப்படுகிறது.
ரம்யா பாண்டியனின் திருமண நிகழ்வு புகைப்படம் தற்போது சமூக வலைதளங்களில் வைரலாகி ரசிகர்கள் வாழ்த்து தெரிவித்து வருகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
