ஷகீலா குடித்துவிட்டு அசிங்கமாக..நானும் பதிலுக்கு அடித்தேன் - வளர்ப்பு மகள்

Shakeela

By Sivaraj Jan 21, 2024 05:53 PM GMT

Sivaraj

in பொழுதுபோக்கு

Report

நடிகை ஷகீலாவை தாக்கியதாக எழுந்த குற்றச்சாட்டில், அவரது வளர்ப்பு மகள் பல விடயங்களை நேர்காணலில் தெரிவித்துள்ளார்.

ஷகீலா

தமிழ், மலையாள திரைப்படங்களில் நடித்து புகழ்பெற்றவர் ஷகீலா. குணச்சித்திர, நகைச்சுவை வேடங்களிலும் சமீப காலமாக நடித்து வந்த இவர், யூடியூப்பில் பிரபலங்களை நேர்காணல் செய்து வருகிறார்.

இந்த நிலையில் இவரின் வளர்ப்பு மகள் ஷீத்தல் தாக்கியதாக, ஷகீலாவின் வழக்கறிஞர் பொலிஸில் புகார் அளித்திருக்கிறார்.

தனது அண்ணன் மகளான ஷீத்தலை நடிகை ஷகீலா வளர்த்து வருகிறார். ஆனால் அவரும் ஷகீலாவுக்கும் இடையே தகராறு ஏற்பட்டுள்ளது.

Shakeela

அப்போது ஷகீலாவை ஷீத்தல் தாக்கியதாக கூறப்படுகிறது. இதுகுறித்து சமாதானம் பேச ஷகீலாவின் வழக்கறிஞரான சவுந்தர்யா, ஷீத்தலை அழைத்ததன் பேரில் அவரும் தாயார் சசி மற்றும் அக்கா ஜமீலா ஆகியோர் ஷகீலாவின் வீட்டிற்கு சென்றுள்ளனர்.

அங்கு பேச்சுவார்த்தை நடக்கும்போது ஷீத்தல் சவுந்தர்யாவை தாக்கிவிட்டு சென்றுள்ளார்.

தாக்குதல்

இந்த விவகாரம் குறித்து செய்தியாளர்களிடம் பேசிய ஷீத்தல், 'எனக்கும், அத்தைக்கும் சில நாட்களாகவே பிரச்சனை இருந்தது உண்மைதான். அவர் குடித்துவிட்டு எப்போதும் என் குடும்பத்தை பற்றி அசிங்கமாக பேசுவார். எனக்கும், அவருக்கும் இடையே நிறைய வாக்குவாதம் ஏற்பட்டது. இதனால் நான் என்னுடைய அம்மாவிடம் சென்று விட்டேன்.

பின் என்னுடைய அத்தை அவரின் நண்பர் தங்கம் என்பவரின் மூலம் என்னை வீட்டிற்கு வர சொல்லி கட்டாயப்படுத்தினார். நானும் அவர் வீட்டிற்கு சென்றேன்.

அவர் என்னுடைய அம்மா மற்றும் சகோதரி குறித்தும் ரொம்ப தப்பாக பேசினார். உடனே நான், எப்படி நீங்கள் இப்படி பேசலாம் என்று சொன்னவுடன் அவர் என்னை அடித்துவிட்டார். நானும் பதிலுக்கு அவரை அடித்தேன்' என தெரிவித்துள்ளார்.

Shakeela