லங்காசிறி FM
அமெரிக்காவில் பிரபல பிரித்தானிய நடிகை மாயம்! 4 நாட்களாக தொடரும் தேடல்
அமெரிக்காவில் காணாமல் போன பிரபல பிரித்தானிய நடிகை டான்யா கடந்த 4 நாட்களாக காணவில்லை.
லண்டனில் பிறந்து வளர்ந்த பிரித்தானிய நடிகையான டான்யா ஃபியர் (Tanya Fear), அமெரிக்காவில் லாஸ் ஏஞ்சல்ஸ் நகரத்தில் வசித்துவருகிறார்.
Tanyaradzwa என்றும் அழைக்கப்படும் அவர் 2018-ஆம் ஆண்டு வெளியான Doctor Who எனும் வலைத்தொடரில் நடித்ததற்காக மிகவும் புகழ்பெற்றவராக உள்ளார்.
ஸ்டாண்டப் காமெடியனான டான்யா, Kick-Ass 2, Spotless, Cleaning Up போன்ற பல தொலைகாட்சி தொடர்களில் நடித்து பிரபலமாக உள்ளார்.
இந்த நிலையில், அவரை கடந்த நான்கு நாட்களாக காணாமல் போயுள்ளார். அவர் கடைசியாக செப்டம்பர் 9-ஆம் திகதி, லாஸ் ஏஞ்சல்ஸில் உள்ள Hollywood Bowl பகுதியில் காணப்பட்டுள்ளார். அதற்கு பிறகு அவர் எங்கு சென்றார், என்ன ஆனார் என்பது குறித்த விவரம் ஏதும் கிடைக்கவில்லை எனக் கூறப்படுகிறது.
மேலும், அவர் தனது ட்விட்டர் பக்கத்தை கடைசியாக ஆகஸ்ட் 30-ஆம் திகதி மட்டுமே பயன்படுத்தியுள்ளார்.
இந்நிலையில், Tendai எனும் டான்யாவின் சகோதரி ஒருவர் தனது ட்விட்டர் பக்கத்தில், "டான்யாவை காணவில்லை, அவருக்கு அமெரிக்காவில் சொந்தம் யாரும் கிடையாது, நாங்கள் மிகவும் வருத்தத்தில் இருக்கிறோம்" என பதிவிட்டுள்ளார்.
மேலும், டான்யா நடித்த Doctor Who தொடரின் அதிகாரப்பூர்வ ட்விட்டர் பக்கத்திலும், டான்யா காணாமல் போனது குறித்து தகவலை வெளியிட்டுள்ளனர்.
இந்நிலையில், டான்யாவின் தோற்றம் குறித்த தகவல்கள் வெளியிடப்பட்டுள்ளது. அவர் 5.3 அடி உயரமும், 63 கிலோ எடைகொண்டவராகவும், பிரவுன் நிற கண்கள் மற்றும் கருநிற சுருட்டை முடியும் கொண்டவராக இருப்பார் என தெரிவிக்கப்பட்டுள்ளது.
கடந்த 4 நாட்களாக அமெரிக்க பொலிஸாரால் டான்யா தேடப்பட்டுவருகிறார். அவரைப் பற்றிய எந்த தகவலும் இதுவரை கிடைத்ததாக அவர்கள் தெரிவிக்கவில்லை.
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
புலோலி கிழக்கு, Villeneuve-Saint-Georges, France
30 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
