லங்காசிறி FM
5 ஓட்டங்களுக்கு 4 விக்கெட்: 116 விளாசி காப்பாற்றிய வீரர்..ஆப்கானிஸ்தான் மிரட்டல் வெற்றி
Afghanistan beat zimbabwe by 19 runs: ஜிம்பாப்வே அணிக்கு எதிரான டி20 போட்டியில் ஓமர்சாய் 50 பந்துகளில் 116 ஓட்டங்கள் விளாசினார்.
ஷார்ஜாவில் நேற்று நடந்த இரண்டாவது டி20 போட்டியில், ஆப்கானிஸ்தான் அணி 19 ஓட்டங்கள் வித்தியாசத்தில் ஜிம்பாப்வே வீழ்த்தியது.
ஓமர்சாய் வாணவேடிக்கை
ஆப்கானிஸ்தான் மற்றும் ஜிம்பாப்வே அணிகளுக்கு இடையிலான இரண்டாவது டி20 போட்டி ஷார்ஜாவில் நடந்தது.
முதலில் ஆடிய ஆப்கானிஸ்தான் அணி 5 ஓட்டங்களுக்கு 4 விக்கெட்டுகளை பறிகொடுத்தது. அணியின் ஸ்கோர் 38 அணியின் உயர்ந்தபோது அடல் 17 ஓட்டங்களில் ஆட்டமிழந்தார்.
அப்போது கைகோர்த்த அஸ்மதுல்லா ஓமர்சாய், இஜாஸ் அகமது கூட்டணி ஜிம்பாப்வேயின் பந்துவீச்சை துவம்சம் செய்தது.
குறிப்பாக அஸ்மதுல்லா ஓமர்சாய் (Azmatullah Omarzai) சிக்ஸர்களை பறக்கவிட்டு வாணவேடிக்கை காட்டினார். அரைசதம் விளாசிய இஜாஸ் 52 (27) ஓட்டங்களில் ஆட்டமிழந்தார்.
இந்தக் கூட்டணி 138 ஓட்டங்கள் குவித்தது. அணியின் ஸ்கோர் 195 ஆக உயர்ந்தபோது ஓமர்சாய் ஆட்டமிழந்தார்.
அவர் 50 பந்துகளில் 12 சிக்ஸர்கள், 5 பவுண்டரிகளுடன் 116 ஓட்டங்கள் விளாசினார். சரவெடி ஆட்டமாடிய ரஷீத் கான் (Rashid Khan) 6 பந்துகளில் 4 சிக்ஸர்களுடன் 25 ஓட்டங்கள் விளாசினார்.
சிக்கந்தர் ரஸா 106 ஓட்டங்கள்
பின்னர் ஆடிய ஜிம்பாப்வே அணியில் கையா 25 (13) ஓட்டங்களும், பென்னெட் 22 (15) ஓட்டங்களும் விளாசி ஆட்டமிழந்தனர்.
அதனைத் தொடர்ந்து ரியான் பர்ல் (2) மருமானி (2) மற்றும் மதேவேரே (4) ஆகியோர் அடுத்தடுத்து விக்கெட்டுகளை இழந்தனர்.
எனினும் அணித்தலைவர் சிக்கந்தர் ரஸா தனியாளாக வெற்றிக்காக போராடி சதம் விளாசினார். ஆனால், ஜிம்பாப்வே அணி 20 ஓவர்களில் 5 விக்கெட்டுகள் இழப்பிற்கு 202 ஓட்டங்களே எடுத்து தோல்வியுற்றது.
கடைசி வரை களத்தில் நின்ற சிக்கந்தர் ரஸா 56 பந்துகளில் 106 ஓட்டங்களும் (9 சிக்ஸர்கள், 5 பவுண்டரிகள்), சிகா 23 பந்துகளில் 31 ஓட்டங்களும் (2 சிக்ஸர்கள், ஒரு பவுண்டரி) விளாசினர்.
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018