லண்டன் செல்லவேண்டிய ஏர் இந்தியா விமானம்., பாதிவழியில் திரும்பி டெல்லியில் தரையிறக்கம்

London Saudi Arabia Flight Air India

By Ragavan Mar 26, 2026 02:23 PM GMT

Ragavan

in இந்தியா

Report

ஏர் இந்தியா AI 111 என்ற லண்டன் நோக்கி புறப்பட்ட விமானம், இன்று (வியாழக்கிழமை) காலை டெல்லியில் இருந்து புறப்பட்டு சவுதி அரேபிய வான்வழி சென்றபோது திடீரென U-turn செய்து மீண்டும் டெல்லிக்கு திரும்பியது.

இந்த விமானம் Airbus A350 வகையைச் சேர்ந்தது. காலை 6.13 மணிக்கு புறப்பட்டு, மதியம் 1.20 மணிக்கு டெல்லி IGI விமான நிலையத்தில் பாதுகாப்பாக தரையிறங்கியது.

சுமார் 3,300 கிலோமீட்டர் தூரம் பறந்தபின், சவுதி அரேபிய வான்வழியில் திரும்பியது.

விமானத்தில் பயணிகள் சிலர் அசாதாரண சத்தம் கேட்டதாக தகவல்கள் தெரிவிக்கின்றன. இதனால், பாதுகாப்பு காரணங்களுக்காக விமானம் திரும்பியதாக PTI செய்தி நிறுவனம் தெரிவித்துள்ளது.

Air India London flight, AI 111 technical glitch, Delhi to London flight return, Saudi Arabia airspace incident, Air India precautionary landing, Airbus A350 India news, Iran war aviation impact #AirIndia #LondonFlight #AviationNews #FlightReturn #DelhiAirport #AirbusA350 #IranWarImpact

இது குறித்து ஏர் இந்தியா நிறுவனம், “விமானத்தில் தொழில்நுட்ப சிக்கல் ஏற்பட்டிருக்கலாம் என்ற சந்தேகத்தின் அடிப்படையில் முன்னெச்சரிக்கை நடவடிக்கையாக டெல்லிக்கு திரும்பியது. பயணிகள் அனைவரும் பாதுகாப்பாக தரையிறங்கினர். தற்போது விமானம் விரிவான தொழில்நுட்ப பரிசோதனையில் உள்ளது” என்று அதிகாரப்பூர்வமாக அறிவித்துள்ளது.

சவுதி அரேபிய வான்வழி, சமீபத்தில் ஈரான் போரின் தாக்கம் காரணமாக அதிக கவனத்தில் உள்ளது. இதனால், விமானம் திரும்பிய சம்பவம் கூடுதல் கவனத்தை ஈர்த்துள்ளது.

பொதுவாக, டெல்லி-லண்டன் பயணம் சுமார் 9 மணி நேரம் ஆகும். ஆனால், இந்த சம்பவத்தில் பயணிகள் 7 மணி நேரம் பறந்தபின் மீண்டும் ஆரம்ப இடத்திற்கே திரும்ப வேண்டிய நிலை ஏற்பட்டது.