லங்காசிறி FM
ஏர் இந்தியா விமான விபத்து - மாடியில் இருந்து 2 வயது குழந்தையை வீசி காப்பாற்றிய பெண்
ஏர் இந்தியா விமான விபத்தில், 2 வயது குழந்தை காப்பாற்றப்பட்ட விடயம் குறித்து தகவல் வெளியாகியுள்ளது.
ஏர் இந்தியா விமான விபத்து
குஜராத் மாநிலம் அகமதாபாத்தில் இருந்து கடந்த ஜூன் 13 ஆம் திகதி, லண்டன் நோக்கி புறப்பட்ட ஏர் இந்தியா விமானம், புறப்பட்ட சில நிமிடங்களில், மேகானி நகரில் இருந்த பிஜே மருத்துவக் கல்லூரி விடுதியின் கட்டடத்தில் விழுந்து விபத்தை சந்தித்தது.
இந்த விபத்தில் விமானத்தில் பயணித்த 241 பேர் மற்றும் மருத்துவக் கல்லூரி விடுதியில் இருந்த மாணவர்கள் மருத்துவர்கள் உள்ளிட்ட பலரும் உயிரிழந்தனர்.
இந்நிலையில், இந்த விபத்தில் மருத்துவ கல்லூரி விடுதியில் இருந்த மருத்துவரின் 2 வயது குழந்தை காப்பாற்றப்பட்டது குறித்த தகவல் வெளியாகியுள்ளது.
அங்கு இருதய மயக்க மருந்து நிபுணராக பணியாற்றி வந்த மருத்துவர் சஞ்சல் பண்டாரி, பணி நேரத்தில் தனது 2 மாத குழந்தையை, கவனிக்கும் பொறுப்பை அங்கு உள்ள பெண் ஒருவரிடம் ஒப்படைத்து விடுவார்.
காப்பாற்றப்பட்ட 2 வயது குழந்தை
இது குறித்து பேசிய மருத்துவர் சஞ்சல் பண்டாரி, "விமானம் விடுதியில் விழுந்து, பெரும் அளவில் நெருப்பு மற்றும் கரும்புகை பரவ தொடங்கியதும், அந்த பெண் பராமரிப்பாளர், அழைத்து தங்கள் கட்டிடத்திலிருந்து தீப்பிழம்புடன் பெரும் புகை வருவதாக தெரிவித்துள்ளார்.
என்ன நிலைமை என உணர்வதற்குள் மீண்டும் அழைத்து இங்கு தீப்பிழம்புகளால் சூழப்பட்டுளோம் வெளியேற வழி இல்லை என தெரிவித்தார். உடனடியாக நான் சம்பவ இடத்திற்கு விரைந்தேன்.
அங்கு மீட்பு பணியில் இருந்தவர்கள் என்னை உள்ளே அனுமதிக்கவில்லை. மக்கள் உதவி கேட்டு அலறுவதை காண முடிந்தது. என் மகள் உயிருடன் இருப்பாளா என அச்சம் எழுந்தது. என் மகள் பாதுகாப்பாக இருக்க, நான் பராமரிப்பாளரை மேல் தளத்திற்கு செல்லச் சொன்னேன்.
மீட்பு குழுவினர், கட்டிடத்தில் இருந்தவர்களை பாதுகாப்பாக மீட்க, கீழே வலையை விரித்து காத்திருந்தனர். அப்போது என் மகளை அந்த வலையில் வீசுமாறு கூறினேன். அதன்படி அவர் வீச வலையில் இருந்த என் மகளை மீட்பு குழுவினர் பத்திரமாக மீட்டனர்.
அதன் பின்னர் அந்த பெண் பராமரிப்பாளரும் அந்த வலையில் விழுந்து உயிர் தப்பினார். கரும்புகை காரணமாக என் மகளின் தோல் கருப்பு நிறமாக மாறி இருந்தது என தெரிவித்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
பதுளை, புங்குடுதீவு 6ம் வட்டாரம், யாழ்ப்பாணம், பிரான்ஸ், France
28 Feb, 2026
Kuala Lumpur, Malaysia, உரும்பிராய், Ilford, United Kingdom
12 Mar, 2025
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
