லங்காசிறி FM
”நீதி வழங்கப்பட்டுள்ளது”...அல்கொய்தா தலைவரை கொன்று பழிதீர்த்த அமெரிக்கா: ஜோ பைடன் உரை!
அல்கொய்தாவின் முக்கிய தலைவர் அல்-ஜவாஹிரி நேற்று அமெரிக்காவின் ஆளில்லா விமானத் தாக்குதலில் கொல்லப்பட்ட நிலையில் ”நீதி வழங்கப்பட்டுள்ளது” என அமெரிக்க ஜனாதிபதி ஜோ பைடன் தெரிவித்துள்ளார்.
அமெரிக்காவின் எப்.பி.ஐ அமைப்பால் அதிகம் தேடப்படும் தீவிரவாதி மற்றும் கடந்த 2001 ஆம் ஆண்டு அமெரிக்காவின் இரட்டை கோபுர தாக்குதலில் மூளையாக செயல்பட்டவருமான 71 வயது அய்மன் அல்-ஜவாஹிரி, ஆப்கானிஸ்தான் தலைநகர் காபூலில் முன்னெடுக்கப்பட்ட ட்ரோன் தாக்குதலில் கொல்லப்பட்டார்.
மேலும் இதுகுறித்த அதிகாரப்பூர்வ அறிவிப்பை நாட்டு மக்களுக்கு நேரலையில் ஜனாதிபதி ஜோ பைடன் அறிவிப்பார் என அதிகாரிகள் தெரிவித்து இருந்த நிலையில், வெள்ளை மாளிகையின் நீல அறைக்கு வெளியே உள்ள பால்கனியில் இருந்து அல்-ஜவாஹிரி கொல்லப்பட்டதை ஜோ பைடன் உறுதிப்படுத்தினார்.
VIDEO: President Joe Biden announces that the United States has killed the leader of Al-Qaeda, Ayman al-Zawahiri, in an airstrike in Kabul pic.twitter.com/DFQXJTYmkv
— AFP News Agency (@AFP) August 2, 2022
அப்போது நாட்டு மக்களுக்கு உறையாற்றிய ஜோ பைடன் 9/11 அமெரிக்காவில் நடத்தப்பட்ட தாக்குதலுக்கு மூளையாக இருந்து செயல்பட்ட நபரை கொலை செய்ததன் மூலம் நீதி வழங்கப்பட்டது என்று தெரிவித்துள்ளார்.
அத்துடன் 11 செப்டம்பர் 2001ல் நடந்த தாக்குதலில் இறந்த கிட்டத்தட்ட 3000 பேரின் குடும்பங்களுக்கு ஆதரவு தெரிவிப்பதற்கு முன்பு, தீவிரவாத தலைவர் இனி இல்லை என ஜோ பைடன் நாட்டு மக்களுக்கு தெரிவித்தார்.
71 வயதான அல்கொய்தா தலைவர் காபூலில் அவரது வீட்டு பால்கனியில் நின்று கொண்டு இருந்த போது ட்ரோன் ஏவுகணைகள் மூலம் கொல்லப்பட்டார், இந்த தாக்குதலில் அவரை தவிர அவரது குடும்ப உறுப்பினர்கள் மற்றும் பொதுமக்கள் என யாரும் பாதிப்படையவில்லை எனத் தெரிவித்தார்.
மேலும் ஆப்கானிஸ்தானில் இருந்து அமெரிக்க படைகள் வெளியேறி கிட்டத்தட்ட 1 வருட இடைவேளைக்கு பிறகு இந்த தீவிரவாத ஒழிப்பு தாக்குதல் நடத்தப்பட்டது என்றும் இனி ஆப்கானிஸ்தான் தீவிரவாதிகளின் பாதுகாப்பு புகழிடமாக இருக்காது எனத் ஜோ பைடன் தெரிவித்துள்ளார்.
அமெரிக்க மக்களுக்கு தீங்கு விளைவிக்க நினைக்கும் அனைத்திடமிருந்தும் நாட்டு மக்களை பாதுகாப்பதில் எங்களின் உறுதியும் திறனையும் அமெரிக்கா தொடர்ந்து வெளிப்படுத்துகிறது.
அமெரிக்காவிற்கு எதிராக செயல்பட்டவர்களை எவ்வளவு நேரம் எடுத்தாலும், நீங்கள் எங்கு மறைந்தாலும், எங்கள் மக்களுக்கு நீங்கள் அச்சுறுத்தலாக இருந்தால், அமெரிக்கா உங்களைக் கண்டுபிடித்து வெளியேற்றும் என்பதை நாங்கள் இன்றிரவு மீண்டும் தெளிவுபடுத்துகிறோம் என ஜனாதிபதி ஜோ பைடன் தெரிவித்துள்ளார்.
கூடுதல் செய்திகளுக்கு: தினேஷ் கார்த்திக் உள்நாட்டு கிரிக்கெட்டில் கூட விளையாட முடியாது...பாகிஸ்தான் முன்னாள் கேப்டன் பரபரப்பு கருத்து!
இந்த நிலையில், காபூல் நகரில் முன்னெடுக்கப்பட்டுள்ள ட்ரோன் தாக்குதலுக்கு தாலிபான் நிர்வாகம் கடும் கண்டனம் தெரிவித்துள்ளதுடன், சர்வதேச கொள்கைகளின் தெளிவான மீறல் எனவும் குற்றஞ்சாட்டியுள்ளது.
வேலணை, Ottawa, Canada, Torcy, France, Val-d'Arc, France
30 Jan, 2022
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
