என்னை நம்பி வந்தவர்கள் தான் முக்கியம்! சிறந்த கேப்டன் என்பதை நிரூபித்த தல டோனி
சென்னை அணியின் கேப்டன் ஆன டோனி வெளிநாட்டு மற்றும் உள்நாட்டு வீரர்கள் அனைவரும் பாதுகாப்பாக தங்களது வீடுகளை சென்றடைந்த பிறகு தான், தனது சொந்த ஊருக்கு செல்ல முடிவு செய்துள்ளதாக தகவல்கள் வெளியாகியுள்ளன.
இந்தியாவில் நடைபெற்று வந்த ஐபிஎல் தொடர், கொரோனா பரவல் காரணமாக ஒத்தி வைக்கப்பட்டுள்ளது.
நாட்டில் தற்போது நிலவும் கொரோனா பரவலால், இந்தாண்டு மீண்டும் ஐபிஎல் தொடர் நடத்தப்படுவதற்கு வாய்ப்புகள் மிகவும் குறைவு. இது போன்ற சூழ்நிலையில், தான் இந்த தொடரில் விளையாடுவதற்காக வந்த உள்நாட்டு மற்றும் வெளிநாட்டு வீரர்கள் பாதுகாப்பாக தங்களது வீடுகளை சென்றடைந்த பிறகு தான், தனது சொந்த ஊருக்கு செல்ல டோனி முடிவு செய்துள்ளதாக தகவல்கள் வெளியாகியுள்ளது.
இது குறித்து சென்னை சூப்பர் கிங்ஸ் அணி நிர்வாகி ஒருவர் கூறுகையில், தான் கடைசியாக விடுதியிலிருந்து வெளியே வருவேன் என்று டோனி கூறிவிட்டார். முதலில் வெளிநாட்டு வீரர்கள் பாதுகாப்பு எய்த வேண்டும்.
பிறகு இந்திய வீரர்கள் பாதுகாப்பாக ஊர் திரும்ப வேண்டும். அனைவரும் தங்கள் ஊர்களுக்கு பாதுகாப்பாக சென்ற பிறகு தான் ராஞ்சிக்கான விமானத்தில் செல்வதாக டோனி கூறியுள்ளார்.