லங்காசிறி FM
நான் மிகவும் தைரியமானவனா அல்லது மிகவும் முட்டாள்தனமானவனா? திருமணத்தன்று இளவரசர் பிலிப் கேட்ட கேள்வி
பிரித்தானிய ராணியார் இரண்டாம் எலிசபெத்தின் கணவர், இளவரசர் பிலிப் தமது 99வது வயதில் இயற்கை எய்தியுள்ளார்.
இளவரசி எலிசபெத்தை திருமணம் செய்து கொள்ளும் வரையில், சொந்தமாக ஒரு குடியிருப்பு கூட இல்லாதவர் பிலிப். கடற்படையில் பணியாற்றிய காலகட்டத்தில் நிரந்தரமான ஒரு முகவரி கூட இல்லாது பிலிப் கலங்கியுள்ளார்.
பெரும்பாலும் கடற்படை தளங்களிலேயே தங்கியும் வந்துள்ளார். 1947 நவம்பர் மாதம் இளவரசி எலிசபெத்தை திருமணம் செய்து கொண்ட காலகட்டத்திலும் நிதி நெருக்கடி தொடர்ந்துள்ளது.
ஐரோப்பாவில் போர் இரண்டு ஆண்டுகளுக்கு முன்புதான் முடிந்திருந்தது, பிரித்தானியா இந்த நூற்றாண்டின் மோசமான குளிர்காலத்தை எதிர்கொண்டிருந்தது. இதனாலையே, பிலிப்- எலிசபெத் தம்பதியின் திருமணமும் மிக எளிமையாகவே நடந்து முடிந்துள்ளது.
திருமணத்திற்கு முந்தைய நாள், வருங்கால மருமகனும் கடற்படை அதிகாரியுமான பிலிப்பை அழைத்து, பிரித்தானிய அரசர் ஆறாவது ஜார்ஜ் மூன்று பட்டங்களை வழங்கியுள்ளார்.
அந்த மூன்று பட்டங்களை மட்டுமே இளவரசர் பிலிப் தமது இறுதி காலம் வரையில் பயன்படுத்தியும் வந்துள்ளார்.
திருமணத்தன்று காலை, அதுவரை தமக்கு பழக்கமாக இருந்து வந்த புகைப்பிடித்தலை மொத்தமாக கைவிட்டுள்ளார் பிலிப்.
இளவரசி எலிசபெத்தின் தந்தையான ஆறாவது ஜார்ஜ் மிக அதிகமாக புகைப்பிடிக்கும் பழக்கம் கொண்டவர் மட்டுமல்ல, நுரையீரல் புற்றுநோய் காரணமாகவே மன்னர் ஆறாவது ஜார்ஜ் மரணமும் அடைந்துள்ளார்.
தமது தந்தையின் அவஸ்தை புதிய தமது கணவருக்கும் ஏற்பட வேண்டாம் என்று எலிசபெத் அஞ்சியுள்ளார். திருமணத்தன்று காலை கைவிட்ட புகைக்கும் பழக்கத்தை, அதன் பின்னர் சிகரெட்டை கூட இளவரசர் பிலிப் கைகளால் தொட்டதே இல்லையாம்.
ஆனால் அதே நாள் காலை, தமக்கு எழுந்த சந்தேகத்தை அவர் தமது உறவினரான பாட்ரிசியா மவுண்ட்பேட்டனிடம் எழுப்பியுள்ளார்.
உண்மையில் நான் மிகவும் தைரியமானவனா அல்லது மிகவும் முட்டாள்தனமானவனா? தமது வாழ்க்கை இனி மொத்தமாக மாறப்போகிறது என்பதை முன்னரே தெரிந்து கொண்டதாலையே அந்த கேள்வியை அவர் எழுப்பியதாக பாட்ரிசியா மவுண்ட்பேட்டன் குறிப்பிட்டுள்ளார்.
இளவரசி எலிசபெத்தை திருமணம் செய்து கொள்ள புறப்பட்ட பிலிப் அணிந்திருந்த உடையின் விலை 1200 பவுண்டுகள் மட்டுமே.
மொத்தம் 150 விருந்தினர்கள் மட்டுமே கலந்து கொண்ட மிக எளிமையான திருமண விருந்து அதுவாகும்.
புங்குடுதீவு, பரிஸ், France, London, United Kingdom
10 Jul, 2026
சாரையடி, வத்தளை, Riyadh, Saudi Arabia, North York, Canada
14 Jul, 2026
கரம்பொன், யாழ்ப்பாணம், அக்கரைப்பற்று, Scarborough, Canada
13 Jul, 2026
அனலைதீவு, கொழும்பு, யாழ்ப்பாணம், Jakarta, Indonesia, சென்னை, India, Toronto, Canada
26 Jun, 2025
கொல்லன்கலட்டி, மல்லாகம், Vancouver, Canada, Tooting, United Kingdom
14 Jul, 2011
Conflans-Sainte-Honorine, France, London, United Kingdom, Nanterre, France
01 Jul, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
