பிரித்தானியாவில் பார்ட்டி கொண்டாட வரும் அம்பானி குடும்பம்: வெளிவரும் சர்ச்சை செய்திகள்

United Kingdom Mukesh Dhirubhai Ambani Anant Ambani Radhika Merchant Nita Ambani

By Balamanuvelan Jul 25, 2024 07:20 AM GMT

Balamanuvelan

in ஐக்கிய இராச்சியம்

Report

பிரபல இந்திய தொழிலதிபரான முகேஷ் அம்பானியின் மகன் ஆனந்த் அம்பானிக்கும், மருந்தகத்துறை ஜாம்பவான் குடும்ப வாரிசான ராதிகா மெர்ச்சண்ட்டுக்கும் இந்தியாவில் கோலாகலமாக திருமணம் நடைபெற்றது.

அதைத்தொடர்ந்து, பார்ட்டி ஒன்றிற்காக இங்கிலாந்திலுள்ள Slough என்னுமிடத்துக்கு வருகிறது அம்பானி குடும்பம்.

பிரித்தானியாவில் பார்ட்டி கொண்டாட வரும் அம்பானி குடும்பம்: வெளிவரும் சர்ச்சை செய்திகள் | Ambani Family Coming To Party In Britain

இந்நிலையில், ஏற்கனவே இந்தியாவில் ஆடம்பரமாக செலவழித்தாயிற்று, இப்போது பிரித்தானியாவுக்கு வேறு வருகிறார்களா என்னும் ரீதியில் பிரபல பிரித்தானிய ஊடகம் ஒன்று கடுமையாக விமர்சனம் முன்வைத்துள்ளது.

மீண்டும் வெளிவரும் சர்ச்சை செய்திகள்

இங்கிலாந்தில் பார்ட்டி கொண்டாடுவதற்காக இங்கிலாந்திலுள்ள Slough என்னுமிடத்தின் அருகில் அமைந்துள்ள, Stoke Park என்னும் ஏழு நட்சத்திர ஹொட்டலை செப்டம்பர் மாதம் வரை முன்பதிவு செய்துள்ளார்கள் அம்பானி குடும்பத்தினர்.

விடயம் என்னவென்றால், Stoke Park ஏற்கனவே சர்ச்சையை உருவாக்கிய இடமாகும். அதாவது, 2021ஆம் ஆண்டு, முகேஷ் அம்பானியின் ரிலையன்ஸ் நிறுவனம் Stoke Park ஹொட்டல் அமைந்துள்ள மொத்த எஸ்டேட்டையும் 57 மில்லியன் பவுண்டுகளுக்கு லீசுக்கு எடுத்தது.

அதற்கு முன் அங்கே கோல்ஃப் விளையாட்டு கிளப் ஒன்று இருந்த நிலையில், அம்பானி அதை வாங்கியதால் கிளப் உறுப்பினர்கள் வெளியேற்றப்பட்டனர்.

அத்துடன், அந்த எஸ்டேட்டில் அம்பானி குடும்பத்தினர் செய்த மாற்றங்கள் தொடர்பில், உள்ளூர் கவுன்சிலுக்கும் அம்பானி தரப்புக்குமிடையே மோதல் ஏற்பட்டது.

அது ஒரு வர்த்தக அமைப்பாக இருக்கலாமேயொழிய, தனி நபரின் வீடாக அதை மாற்றக்கூடாது என்னும் கருத்துக்கள் உருவாக, Stoke Park புதுப்பித்தலுக்குபின் மீண்டும் திறக்கப்படும், அது அம்பானி குடும்பத்தின் வீடு அல்ல, அங்கு ஒரு ஏழு நட்சத்திர ஹொட்டல் மற்றும் கிளப்ஹவுஸும் உருவாக்கப்படும் என விளக்கமளிக்கப்பட்டது.

அந்த Stoke Park ஹொட்டலில்தான் இப்போது அம்பானியின் மகன் ஆனந்த் அம்பானி, ராதிகா மெர்ச்சண்ட் திருமணத்துக்கு பிந்தைய பார்ட்டி நடபெற உள்ளது. உள்ளூர் மக்களுக்கு இந்த பார்ட்டி நிச்சயம் பழைய நினைவுகளைக் கொண்டுவரும் என்பதில் சந்தேகமில்லை.