லங்காசிறி FM
50 ஜோடிகளுக்கு இலவச திருமணம் செய்த அம்பானி - வழங்கப்பட்ட விலையுயர்ந்த பரிசுகள் என்ன தெரியுமா?
முகேஷ் அம்பானி மற்றும் அவரது மனைவி நீதா அம்பானி ஆகியோர் ஆனந்த் அம்பானி மற்றும் ராதிகா மெர்ச்சண்ட் ஆகியோரின் திருமணத்திற்கு முந்தைய கொண்டாட்டங்களின் ஒரு பகுதியாக 50 ஜோடிகளுக்கு இலசமாக திருமணம் செய்து வைத்துள்ளனர்.
அவரது மகள் இஷா அம்பானி, மகன் ஆகாஷ் அம்பானி, மருமகள் ஷ்லோகா மேத்தா மற்றும் மருமகன் ஆனந்த் பிரமல் ஆகியோரும் குறித்த விழாவில் கலந்துக்கொண்டுள்ளனர்.
இலவச திருமணம் செய்து வைத்த அம்பானி குடும்பம்
மகாராஷ்டிராவில் உள்ள பால்கர் மாவட்டத்தில் தாழ்த்தப்பட்டோரின் திருமணத்தை நடத்தி வைத்துள்ளனர்.
குறித்த திருமண விழாவின் புகைப்படங்கள் இணையத்தில் வைரலாகி வருகின்றது.
அம்பானி குடும்பத்தினர் ஒவ்வொரு ஜோடிக்கும் தங்க ஆபரணங்களான தாலி, திருமண மோதிரங்கள் மற்றும் மூக்குத்தி, மற்றும் வெள்ளி ஆபரணங்கள், கால் மோதிரங்கள் மற்றும் கணுக்கால் போன்றவற்றை பரிசாக வழங்கியுள்ளார்கள்.
#WATCH | Navi Mumbai: Reliance Industries Chairman Mukesh Ambani and Nita Ambani present at the mass wedding of the underprivileged being organised as part of the wedding celebrations of Anant Ambani and Radhika Merchant. pic.twitter.com/CbHUMUZvZe
— ANI (@ANI) July 2, 2024
மேலும் ஒவ்வொரு ஜோடிக்கும் ஒரு வருடத்திற்குத் தேவையான மளிகைப் பொருட்கள் மற்றும் வீட்டு உபயோகப் பொருட்களையும் பரிசாக வழங்கினர்.
இதில் 36 பொருட்கள், பாத்திரங்கள், கேஸ் அடுப்பு, மிக்சி மற்றும் மின்விசிறி போன்ற உபகரணங்கள், மெத்தை மற்றும் தலையணைகள் அடங்கும்.
மணமக்கள் மற்றும் மணமகளின் குடும்ப உறுப்பினர்கள், உள்ளூர் சமூக சேவகர்கள் மற்றும் சமூக உறுப்பினர்கள் உட்பட 800 க்கும் மேற்பட்ட மக்கள் இதில் கலந்துக்கொண்டார்கள்.
மேலும் ஆனந்த் அம்பானி மற்றும் ராதிகா ஜூலை 12 அன்று மும்பையில் உள்ள ஜியோ உலக மாநாட்டு மையத்தில் திருமணம் செய்து கொள்ளவுள்ளமை குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
