இருட்டு அறையில் 10 நாட்கள்.. 13 பேய் படங்கள் பார்ப்பவருக்கு 1 லட்ச ரூபாய் பரிசு! எங்கே தெரியுமா?
அமெரிக்காவில் தனி அறை ஒன்றில் 13 பேய் படங்களை பார்ப்பவர்களுக்கு 1 லட்ச ரூபாய் பரிசு தொகையை அமெரிக்க நிறுவனம் ஒன்று அறிவித்துள்ளது.
அமெரிக்காவில் உள்ள மிகப்பெரிய நிறுவனமான ஃபைனான்ஸ் பஸ் என்ற நிறுவனம் தான் இந்தப் போட்டியை அறிவித்துள்ளது. இதற்கு Horror Movie Heart Rate Analyst என்ற பெயரை வைத்துள்ளது.
இதுவரை வெளியிடப்பட்ட படங்களில் அதிக திகில் கலந்த 13 படங்கள் தேர்வு செய்யப்படும். போட்டியாளர்கள் தனியாக ஒரு இருட்டு அறையில் அமர்ந்து ஒரு நாளைக்கு 10 மணி நேரம் தொடர்ச்சியாக படம் பார்க்க வேண்டும். இது போல் 10 நாட்களுக்கு நடத்தப்படும் என்று கூறப்படுகிறது.
படம் பார்ப்பவர்களின் உடம்பில் Fit bit இயந்திரம் பொருத்தி இதய துடிப்பு கண்காணிக்கப்படும். இந்த போட்டி மூலம் பெரிய பட்ஜெட் மற்றும் சிறிய பட்ஜெட் படம் இவ்விரண்டில் மக்கள் மத்தியில் நல்ல வரவேற்பு பெரும் படங்களை ஆய்வு செய்ய இந்த போட்டி நடத்தப்படுகிறது.
மேலும் இந்த போட்டியில் கலந்து கொள்பவர்கள் கண்டிப்பாக அமெரிக்காவை சேர்ந்தவர்களாக இருக்க வேண்டும். 18 வயதிற்கு மேற்பட்டவர்கள் மட்டுமே இப்போட்டிக்கு அனுமதிக்கப்படுவார்கள்.
இந்த 13 படங்களையும் வெற்றிகரமாக பார்ப்பவர்களுக்கு அமெரிக்க டாலர் மதிப்பில் 1300$ அறிவித்துள்ளது. இந்திய மதிப்பில் சுமார் 1 லட்ச ரூபாய் வழங்கப்படும்.