லங்காசிறி FM
பிரித்தானியாவுக்குள் நுழைய அமெரிக்க மக்களுக்கு புதிய ETA கட்டணம்: முழுமையான தகவல்
Arbin
in ஐக்கிய இராச்சியம்
பிரித்தானியாவுக்கு பயணப்பட திட்டமிடும் அமெரிக்க மக்கள் இனி புதிய விசா கட்டணம் ஒன்றையும் செலுத்த வேண்டும்.
கடவுச்சீட்டுடன் இணைக்கப்பட்டிருக்கும்
எதிர்வரும் 2025 ஜனவரி 8ம் திகதி முதல் மின்னணு பயண அங்கீகாரம் எனப்படும் இந்த புதிய விதி அமுலுக்கு வருகிறது. இதனால் அமெரிக்க பயணிகள் கூடுதலாக 10 பவுண்டுகள் அல்லது 13.05 டொலர் செலுத்த நேரிடும்.
இந்த மின்னணு பயண அங்கீகாரம் கடவுச்சீட்டுடன் இணைக்கப்பட்டிருக்கும். இதனால் இரண்டு ஆண்டுகளில் பலமுறை பயணம் மேற்கொள்ள முடியும். அத்துடன் 6 மாதங்கள் வரையில் தொடர்ந்து பிரித்தானியாவில் தங்கியிருக்க முடியும்.
எதிர்வரும் நவம்பர் 27ம் திகதி முதல் அமெரிக்க குடிமக்கள் ETA எனப்படும் மின்னணு பயண அங்கீகாரத்திற்காக விண்ணப்பிக்கலாம். குறைந்தது 3 வேலை நாட்களில் அதிகாரிகளால் பதிலளிக்கப்படும்.
ஒவ்வொரு பயணியும் தங்களுக்கு என ஒரு மின்னணு பயண அங்கீகாரம் பெற்றிருக்க வேண்டும். இது அவர்களின் பிள்ளைகளுக்கும் பொருந்தும். பிரித்தானியாவுக்கு பயணப்பட்ட விரும்பும் அனைவரும் இனி உரிய அனுமதி பெற வேண்டும் என்றே அதிகாரிகள் தரப்பில் தெரிவிக்கின்றனர்.
ஆனால் வெளிநாட்டில் தங்கியிருக்கும் பிரித்தானியர்களுக்கும் அயர்லாந்து நாட்டவர்களுக்கும் இது பொருந்தாது என்றே அமைச்சர் Seema Malhotra தெரிவித்துள்ளார்.
மிக விரைவில் ETA திட்டம் அறிமுகம்
முதற்கட்டமாக அமெரிக்கா குடிமக்களுக்கும், தொடர்ந்து அனைத்து நாடுகளுக்கும் இந்த திட்டம் விரிவுபடுத்தப்பட இருப்பதாக அறிவித்துள்ளனர். ஏற்கனவே சவுதி அரேபியா, கத்தார் மற்றும் ஐக்கிய அரபு அமீரகம் உட்பட 7 வளைகுடா நாடுகளுக்கு ETA திட்டம் அறிமுகம் செய்யப்பட்டுள்ளது.
மேலும், கனடா, ஜப்பான், மெக்ஸிகோ மற்றும் அவிஸ்திரேலியா ஆகிய நாடுகளுக்கும் மிக விரைவில் ETA திட்டம் அறிமுகம் செய்யப்படும் என அமைச்சர் Seema Malhotra தெரிவித்துள்ளார்.
கடந்த ஆகஸ்டு மாதம் அறிக்கை ஒன்றை வெளியிட்ட ஐரோப்பிய ஒன்றியம், 2025 முதல் ஐரோப்பாவில் பயணப்படும் அவுஸ்திரேலிய குடிமக்கள் 11.50 டொலர் கட்டணம் புதிதாக செலுத்த வேண்டும் என குறிப்பிட்டுள்ளது.
இதுவரை அவுஸ்திரேலிய மக்களுக்கு ஐரோப்பிய ஒன்றியம் விசா அனுமதி அற்ற பயண சலுகையை அளித்து வந்த நிலையில், தற்போது கட்டணம் அறிவித்துள்ளது. இதனால் அவுஸ்திரேலியா உட்பட 60 நாடுகள் இனி ஐரோப்பிய ஒன்றிய நாடுகளில் நுழைய ETIAS எனப்படும் அனுமதி பெற வேண்டும்.
ஐரோப்பாவில் உள்ள 30 நாடுகளில் பயணப்பட இனி அவுஸ்திரேலிய மக்கள் ETIAS அனுமதி பெற்றிருக்க வேண்டும் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
