அம்பானியின் சம்பந்தி வாங்கிய ஆடம்பர குடியிருப்பு.., விலை எவ்வளவு தெரியுமா?

ஆனந்த் அம்பானியின் மாமியார் ஷைலா மெர்சண்ட் மும்பையில் ஒரு ஆடம்பர குடியிருப்பை வாங்கியுள்ளார்.

விலை எவ்வளவு?

முகேஷ் அம்பானியின் மகன் ஆனந்த் அம்பானிக்கும், தொழிலதிபர் வீரேன் மெர்ச்சன்ட்டின் மகள் ராதிகா மெர்ச்சன்ட்டுக்கும் ஜூலை 12 -ம் திகதி ஜியோ வேர்ல்ட் கன்வென்ஷன் சென்டரில் உள்ள பிரமாண்ட வளாகத்தில் திருமணம் நடைபெற்றது.

50 பைசாவை திருப்பி தராத Post Office -க்கு அபராதம் இவ்வளவா? நீதிமன்றம் உத்தரவு

இந்நிலையில், ஆனந்த் அம்பானியின் மாமியாரும், ராதிகா மெர்ச்சண்ட்டின் தாயாருமான ஷைலா மெர்சண்ட், தெற்கு மும்பை பகுதியில் உள்ள பிரஸ்டீஜ் ஓசியன் டவரில் (Prestige Ocean Tower) 2565 சதுர அடி மதிப்புள்ள ஒரு அடுக்குமாடி குடியிருப்பினை வாங்கியுள்ளார்.

இந்த அடுக்குமாடி குடியிருப்பு 2,482 சதுர அடி பரப்பளவிலும், 83 சதுர அடி பால்கனியுடன் வருகிறது. இதன் மதிப்பு ரூ.20.76 கோடி ஆகும்.

அபார்ட்மெண்டிற்கான பரிவர்த்தனை ஒக்டோபர் 14 அன்று பதிவு செய்யப்பட்டுள்ளது. இந்த குடியிருப்பானது, நான்கு கார் பார்க்கிங் இடங்களுடன் வருகிறது.

இந்த அடுக்குமாடி குடியிருப்புக்கு முத்திரைத் தொகையாக ரூ.1.03 கோடியும், பதிவுக் கட்டணமாக ரூ.30,000 செலுத்தியதாக ஆவணங்கள் தெரிவிக்கின்றன.

இந்த அடுக்குமாடி குடியிருப்பை பெங்களூரைச் சேர்ந்த பிரெஸ்டீஜ் குழுமத்தின் (Prestige Group) பிரெஸ்டீஜ் புராஜெக்ட்ஸ் பிரைவேட் லிமிடெட் (Prestige Projects Private Limited) விற்பனை செய்துள்ளது.

ஒரு சதுர அடி ரூ.80,936 என்ற விலையில் இந்த அடுக்குமாடி குடியிருப்பு விற்பனை செய்யப்பட்டுள்ளதாக தெரிகிறது. மேலும் பால்கனியிலிருந்து மும்பையின் கடல் அழகை ரசிக்கும் வகையில் உள்ளதாகவும் கூறப்படுகிறது.