ஆனந்த் அம்பானி ராதிகாவின் அடுத்த பார்ட்டி பிரித்தானியாவில்: இளவரசர் ஹரியும் கலந்துகொள்வதாக தகவல்

ஆனந்த் அம்பானி, ராதிகா மெர்ச்சண்ட் தம்பதியர், அடுத்து பிரித்தானியாவில் ஒரு பிரம்மாண்ட பார்ட்டி நடத்த திட்டமிட்டுள்ளார்கள்.

அந்த பார்ட்டியில், இளவரசர் ஹரி முதலான பிரபலங்கள் கலந்துகொள்ளக்கூடும் என தகவல் வெளியாகியுள்ளது.

அடுத்த பார்ட்டி

இந்திய தொழிலதிபர் முகேஷ் அம்பானியின் மகனான ஆனந்த் அம்பானிக்கும், மருந்தக ஜாம்பவான் குடும்ப வாரிசான ராதிகா மெர்ச்சண்டுக்கும் ஆடம்பரமாக நடந்த திருமணத்தைக் கண்டு உலகமே ஆச்சரியமடைந்தது.

Credit: Alamy

திருமணத்துக்கு முந்தைய பார்ட்டிகள், பிரம்மாண்டமாய் திருமணம் என கோடிகள் செலவிடப்பட்ட நிலையில், அடுத்தபடியாக, பிரித்தானியாவில் ஒரு திருமண பார்ட்டிக்கு ஏற்பாடு செய்துள்ளது அம்பானி குடும்பம்.

அதற்காக, இங்கிலாந்திலுள்ள Slough என்னுமிடத்தின் அருகில் அமைந்துள்ள, Stoke Park என்னும் ஏழு நட்சத்திர ஹொட்டலை செப்டம்பர் மாதம் வரை முன்பதிவு செய்துள்ளார்கள் அம்பானி குடும்பத்தினர்.

இன்னொரு சுவாரஸ்ய விடயம், அந்த ஹொட்டலின் உரிமையாளரே முகேஷ் அம்பானிதான்!

விருந்தினர்கள் பட்டியல்

இந்தியாவில் நடந்த திருமணத்திலேயே உலக பிரபலங்கள் அத்தனைபேர் கலந்துகொண்டார்கள் என்றால், இங்கிலாந்தில் நடக்கும் பார்ட்டிக்கு எத்தனை பேர் வருவார்கள்!

ஆக, பார்ட்டியில், இளவரசர் ஹரி கலந்துகொள்ளக்குடும் என ஒரு தகவல் வெளியாகியுள்ளது.

அத்துடன், முன்னாள் பிரித்தானிய பிரதமர்களான போரிஸ் ஜான்சன், டோனி பிளேர் மற்றும் அவரது மனைவி செர்ரி பிளேர் ஆகியோரும் பார்ட்டியில் கலந்துகொள்ளலாம் என்றும், பாதுகாப்பு பலப்படுத்தப்பட்டுள்ளதாகவும் பிரித்தானிய ஊடகங்கள் தெரிவித்துள்ளன.

இந்த திருமண பார்ட்டிக்கான பட்ஜெட், 563 மில்லியன் பவுண்டுகள்!