கைது செய்யப்படும்போது காருக்குள் பதுங்கிய ஆண்ட்ரூவின் புகைப்படம் பிரான்ஸ் அருங்காட்சியகத்தில்

இளவரசர் ஆண்ட்ரூ கைது செய்யப்பட்டு பொலிஸ் நிலையம் கொண்டு செல்லப்படும்போது, ஊடகவியலாளர்கள் கண்களில் படாமல் இருப்பதற்காக காருக்குள் மறைந்துகொள்ள முயற்சித்துள்ளார்.

ஆனால், அந்தக் காட்சியையும் ஒரு புகைப்படக்கலைஞர் படம் பிடித்துவிட்டார்.

இந்நிலையில், அந்த புகைப்படத்தை, பிரான்சின் பிரபல அருங்காட்சியகத்தில் காட்சிப்படுத்தியுள்ளார்கள் அரசியல் பிரச்சார அமைப்பொன்றைச் சேர்ந்த சிலர்.

பிரான்ஸ் அருங்காட்சியகத்தில் ஆண்ட்ரூவின் புகைப்படம்

பிரான்ஸ் தலைநகர் பாரீஸிலுள்ள பிரபல அருங்காட்சியகமான Louvre அருங்காட்சியகத்தில், ஆண்ட்ரூவின் புகைப்படம் ஒன்று காட்சிப்படுத்தப்பட்டுள்ளது.

அந்த புகைப்படத்தை, Everyone Hates Elon என்னும் பிரித்தானிய அரசியல் பிரச்சார அமைப்பு காட்சிப்படுத்தியுள்ளது.

ஆண்ட்ரூ கைது செய்யப்பட்டு பொலிஸ் நிலையம் கொண்டு செல்லப்படும்போது, ஊடகவியலாளர்கள் கண்களில் படாமல் இருப்பதற்காக, காரின் பின் இருக்கையில் சாய்ந்து மறைந்துகொள்ள முயற்சித்துள்ளார். 

அமெரிக்க தூதருக்கு பிரான்ஸ் சம்மன்: பின்னணி

ஆனால், ராய்ச்சர்ஸ் பத்திரிகையின் புகைப்படக் கலைஞரான ஃபில் நோபல் (Phil Noble) அந்தக் காட்சியை புகைப்படம் எடுத்துவிட்டார்.

தற்போது, அந்த புகைப்படம்தான் Louvre அருங்காட்சியகத்தில் காட்சிப்படுத்தப்பட்டுள்ளது.

அந்த புகைப்படத்துக்கு, ’இப்போது உண்மையாகவே ஆண்ட்ரூவுக்கு வியர்க்கிறது’ (He’s Sweating Now) என பெயரும் கொடுக்கப்பட்டுள்ளது.

அதற்குக் காரணம் என்னவென்றால், ஆண்ட்ரூவின் முகத்திரையைக் கிழித்த விர்ஜினியா (Virginia Giuffre) என்னும் இளம்பெண், ஆண்ட்ரூ, தான் சிறுமியாக இருக்கும்போது தன்னுடன் உடல் ரீதியான உறவு கொண்டதாக பேட்டி கொடுத்த நேரத்தில், தானும் ஆண்ட்ரூவும் லண்டனிலுள்ள இரவு விடுதி ஒன்றில் நடனமாடும்போது, ஆண்ட்ரூவின் கைகள் பயங்கரமாக வியர்த்ததாக கூறியிருந்தார். 

அதைத் தொடர்ந்து பிபிசி தொலைக்காட்சிக்கு பேட்டியளித்த ஆண்ட்ரூ, தான் எந்த தவறும் செய்யவில்லை, விர்ஜினியாவின் குற்றச்சாட்டில் உண்மையில்லை என்பதை உறுதிசெய்யும் வகையில், எனக்கு ஒரு மருத்துவ பிரச்சினை உள்ளது.

அதனால் எனக்கு வியர்க்காது, அப்படி இருக்கும்போது விர்ஜினியா எனக்கு பயங்கரமாக வியர்த்தது என கூறியது எப்படி உண்மையாக இருக்கமுடியும் என்னும் ரீதியில் கேள்வி எழுப்பியிருந்தார்.

ஆனால், சமீபத்தில் அமெரிக்க நீதித்துறை வெளியிட்ட ஆவணங்களால் ஆண்ட்ரூ குறித்த பல மோசமான உண்மைகள் வெளிவர, வகையாக சிக்கிக்கொண்ட ஆண்ட்ரூ கைது செய்யப்படும் அளவுக்கு நிலைமை மோசமாகிவிட்டது.

இந்நிலையில், ஆண்ட்ரூ காருக்குள் பதுங்கும் அந்த புகைப்படத்தைக் கண்ட விர்ஜினியாவின் சகோதரரான ஸ்கை ராபர்ட்ஸும் அவரது மனைவியான அமண்டாவும் (Sky and Amanda Roberts), விர்ஜினியா கூறியதையும், அதற்கு ஆண்ட்ரூ பதிலளித்ததையும் நினைவுகூரும் வகையில், ’இப்போது ஆண்ட்ரூவுக்கு உண்மையாகவே வியர்க்கும் என்று நினைக்கிறோம்’ என்று கூறியுள்ளார்கள். 

ஆகவேதான், Louvre அருங்காட்சியகத்தில் காட்சிப்படுத்தப்பட்டுள்ள ஆண்ட்ரூவின் புகைப்படத்துக்கு, ’இப்போது உண்மையாகவே ஆண்ட்ரூவுக்கு வியர்க்கிறது’ என பெயரிடப்பட்டுள்ளது குறிப்பிடத்தக்கது.