பாடசாலைகளை மீள திறப்பது தொடர்பில் கல்வி அமைச்சர் வெளியிட்ட அறிவிப்பு

1 month ago

#Colombo #School #G. L. Peiris #COVID - 19

Murali

in கல்வி

நாட்டில் கோவிட் தொற்றுநோய் ஏற்பட்டுள்ளதால் பாடசாலைகள் மீண்டும் திறக்கப்படுவதற்கான உறுதியான திகதியை கூற முடியாது என்று கல்வி அமைச்சர் பேராசிரியர் ஜி.எல். பீரிஸ் தெரிவித்துள்ளார்.

இதன் காரணமாக, இணையத்தின் மூலமான கல்வியை தொடர வேண்டும் எனவும் கல்வி அமைச்சர் தெரிவித்துள்ளார். அரசாங்க தகவல் திணைக்களத்தில் இன்று நடைபெற்ற செய்தியாளர் சந்திப்பில் அவர் இதனை கூறியுள்ளார்.

தொடர்ந்தும் கருத்து வெளியிட்ட அவர், “கோவிட் தொற்றுநோய் காரணமாக, பாடசாலை கல்வி நடவடிக்கைகள் இணையத்தின் மூலம் மேற்கொள்ளப்படுகின்றன.

ஆனால் பல்வேறு காரணங்களால் இணைய வசதியை பெற முடியாத மாணவர்களுக்கு ‘பிராந்திய கற்றல் மையங்கள்’ அமைக்க நடவடிக்கை எடுக்கப்பட்டு வருவதாகவும் கல்வி அமைச்சர் தெரிவித்தார்.

இதன்படி, இந்த மாதம் 17 ஆம் திகதி பிராந்திய கற்றல் மையங்களை அமைக்க கல்வி அமைச்சு, அனைத்து மாகாண கல்வி இயக்குநர்களுக்கும் அறிவுறுத்தியுள்ளது என்று அமைச்சர் தெரிவித்தார்.

சுகாதார வழிகாட்டுதலின் கீழ் சிறிய குழுக்களாக கிராமப்புறங்களில் கூட்ட மையங்களை அமைக்கும் திட்டங்கள் உள்ளதாகவும், தற்போது அந்த மையங்களை அடையாளம் காண்பது நடைபெற்று வருவதாகவும் அமைச்சர் மேலும் தெரிவித்துள்ளார்.

மேலும் கல்வி செய்திகளைப் படிக்க இங்கே அழுத்தவும்

ஐபிசி குழுமத்தின் அனைத்து தொலைக்காட்சிகள் மற்றும் வானொலிகளை உலகின் எப்பாகத்திலிருந்தும் இலவசமாக பார்த்தும் கேட்டும் மகிழ, ஐபிசி தமிழ் செயலியை பதிவிறக்கம் செய்யுங்கள்.

பதிவிறக்கம் செய்யுங்கள்

முக்கிய செய்திகள் பிரபலமானவை

இன்றைய செய்திகள்