இது ஒரு சர்க்கஸ் நிகழ்ச்சி.., அம்பானி வீட்டு திருமணத்தில் கலந்து கொள்ள மறுத்த அனுராக் காஷ்யப் மகள்

முகேஷ் அம்பானியின் மகன் ஆனந்த் அம்பானியின் திருமணத்தில் கலந்து கொள்ள அனுராக் காஷ்யப் மகள் ஆலியா மறுத்துள்ளார்.

ஆனந்த் அம்பானி திருமணம்

முகேஷ் அம்பானியின் மகன் ஆனந்த் அம்பானிக்கும், தொழிலதிபர் வீரேன் மெர்ச்சன்ட்டின் மகள் ராதிகா மெர்ச்சன்ட்டுக்கும் திருமணம் நிச்சயிக்கப்பட்டுள்ளது.

இவர்களுக்கு 2023 -ம் ஆண்டு ஜனவரியில் மும்பையில் உள்ள அன்டாலியா இல்லத்தில் நிச்சயதார்த்தம் நடைபெற்றது. இவர்களின் திருமணம் வருகின்ற ஜூலை 12 -ம் திகதி நடைபெற உள்ளது.

இவர்களின் 'சங்கீத்' விழா கோலாகலமாக நடைபெற்றது. இந்த விழாவில் சினிமா பிரபலங்கள், கிரிக்கெட் பிரபலங்கள் உள்ளிட்டோர் கலந்து கொண்டனர்.

இந்த நிகழ்ச்சியில் தோனி, ஷ்ரேயாஸ் ஐயர், நடிகை நேஹா சர்மா, நடிகை அலியா பட், அட்லீ, பாலிவுட் நடிகை சாரா அலி கான், பாலிவுட் நடிகர் ஷாஹித் கபூர் மற்றும் அவரது மனைவி உள்ளிட்ட பிரபலங்கள் கலந்து கொண்டனர்.

200 மற்றும் 500 ரூபாய் நோட்டுகளை ஒழிக்க வேண்டும்.., Demonetization பற்றி பேசி பரபரப்பை ஏற்படுத்திய சந்திரபாபு நாயுடு

இவர்களின் திருமணம் வருகின்ற ஜூலை 12 -ம் திகதி ஜியோ வேர்ல்ட் கன்வென்ஷன் சென்டரில் உள்ள பிரமாண்ட வளாகத்தில் 3 நாள் நடைபெறவுள்ளது.

இதற்கு உலகம் முழுவதும் இருந்து பல்வேறு பிரபலங்கள் வரவுள்ளதால், அவர்களுக்கு ஐந்து நட்சத்திர விடுதிகள் பதிவு செய்யப்பட்டுள்ளன.

சர்க்கஸ் நிகழ்ச்சி

இந்நிலையில், ஆனந்த் அம்பானியின் திருமணத்தில் கலந்து கொள்வதற்காக அனுராக் காஷ்யப்பின் மகளான ஆலியாவுக்கும் அழைப்பு விடுக்கப்பட்டிருந்தது. ஆனால், அவர் திருமணத்தில் கலந்து கொள்ள மறுத்துவிட்டார்.

அவர் இது குறித்து ரெடிட் இணையதளத்தில், "அம்பானி வீட்டு திருமணம் ஒரு திருமணமே கிடையாது, அது ஒரு சர்க்கஸ் நிகழ்ச்சி. என்னையும் திருமணத்தில் கலந்து கொள்ள அழைத்தார்கள்.

அவர்கள் விளம்பரத்திற்காக தான் அழைக்கிறார்கள் என்று எனக்கு தெரியும். பணத்திற்காக அதில் கலந்து கொள்ள எனக்கு விருப்பம் இல்லை. அதனால் நான் மறுத்துவிட்டேன். எனக்கும் சுயமரியாதை இருக்கிறது.

பணக்காரர்கள் தங்களது வாழ்க்கையை கவர்ச்சிகரமானதாகக் காட்டிக்கொள்கிறார்கள். பணத்தை வைத்து என்ன செய்ய முடியும்" என்று கூறியுள்ளார்.