ரூ.4 லட்சத்தில் இந்தியாவில் அறிமுகமான Aprilia Tuono 457 Special Edition

India

By Ragavan Jun 22, 2026 12:50 AM GMT

Ragavan

in தொழில்நுட்பம்

Report

இத்தாலிய இருசக்கர வாகன தயாரிப்பு நிறுவனமான Aprilia, அதன் Tuono 457 மோட்டார் சைக்கிளின் Special Edition மாடலை இந்தியாவில் அறிமுகப்படுத்தியுள்ளது.

இந்த மாடலின் விலை ரூ.3.99 லட்சம் (மகாராஷ்டிரா எக்ஸ்-ஷோரூம்) என அறிவிக்கப்பட்டுள்ளது.

இந்த Special Edition, 457cc parallel-twin என்ஜின் பிளாட்ஃபார்மில் உருவாக்கப்பட்டு, தினசரி பயணத்தில் அதிக வசதியை வழங்கும் வகையில் cosmetic மற்றும் ergonomic மாற்றங்களுடன் வந்துள்ளது.

Aprilia-Tuono-457-SE-Launched-at-Rs-3-99L

புதிய Mamba Black மற்றும் Puma Grey நிறங்களில் அறிமுகமான இந்த மாடலில், புதுப்பிக்கப்பட்ட கிராஃபிக்ஸ், smoked aerodynamic flyscreen, உயர்ந்த ஹேண்டில் பார், மேம்படுத்தப்பட்ட சீட் வடிவமைப்பு மற்றும் adjustable brake lever ஆகியவை சேர்க்கப்பட்டுள்ளன.

சஸ்பென்ஷன் அமைப்பில் மென்மையான initial stroke, recalibrated damping, இரு முனைகளிலும் preload adjustability, மற்றும் நீண்ட பயணங்களில் அதிர்வுகளை குறைக்கும் high-resilience seat ஆகியவை வழங்கப்பட்டுள்ளன.

Aprilia India MD டியாகோ கிராஃபி, “இந்த Special Edition, அதிக வசதி மற்றும் நம்பிக்கையுடன் நகர்ப்புறம் மற்றும் நெடுஞ்சாலைகளில் பயணிக்க உதவும். அதேசமயம், Aprilia-வின் உயர் செயல்திறன் மற்றும் தனித்துவத்தை தக்க வைத்துள்ளது” என்று கூறினார்.

Aprilia-Tuono-457-SE-Launched-at-Rs-3-99L

இந்த மோட்டார் சைக்கிள் 47.6 hp சக்தி, 43.5 Nm டார்க், ride-by-wire throttle, multi-level traction control, TFT digital cluster, மற்றும் LED விளக்குகள் ஆகியவற்றுடன் வருகிறது.

மேலும், 4 வருடம் அல்லது 48,000 கிமீ வரை உத்தரவாதம் வழங்கப்படுகிறது. Quick shifter, TPMS, USB socket, anti-theft system போன்ற கூடுதல் விருப்ப accessories கூட வழங்கப்படுகின்றன.

இந்த மாடல், இந்தியாவில் mid-capacity performance motorcycle பிரிவில் Aprilia-வின் நிலையை வலுப்படுத்தும் என எதிர்பார்க்கப்படுகிறது.