₹25 கோடி லாஸ் ஏஞ்சல்ஸ் சொகுசு பங்களா முதல் ₹3 கோடி மெர்சிடிஸ் கார் வரை! ஏ.ஆர். ரஹ்மானின் பிரம்மாண்டமான வாழ்க்கை

 "குன் ஃபயா குன்", "ஜெய் ஹோ", "லுக்கா சுப்பி"... இந்த பாடல்கள் உங்களை வெவ்வேறு உணர்வு நிலைகளுக்கு அழைத்துச் சென்றிருக்கும். ஏ.ஆர். ரஹ்மான் வெறும் இசையமைப்பாளர் மட்டுமல்ல; அவர் ஒவ்வொரு பாடலிலும் ஒரு தனித்துவமான அனுபவத்தை உருவாக்குகிறார்.

உலகளவில் கோடிக்கணக்கான ரசிகர்களைக் கொண்டுள்ள இந்த இசை மேதையின் தனிப்பட்ட வாழ்க்கை பலருக்கும் வியப்பை அளிக்கிறது.

எளிமையான தோற்றமுடைய இந்த "மெட்ராஸின் மோஸார்ட்", ஆடம்பரமான வாழ்க்கையை அமைதியாக அனுபவித்து வருகிறார்.

ரோஜாவில் இருந்து ராஜ வாழ்க்கை வரை

ஏ.ஆர். ரஹ்மானுக்கு முன்பு அவர் திலீப். குடும்ப சூழ்நிலை காரணமாக பள்ளிப் படிப்பை பாதியில் நிறுத்தியவர். மற்ற இளைஞர்கள் கல்லூரி கனவுகளில் மிதந்தபோது, இவர் குடும்பத்தை காப்பாற்ற இசை அமைப்பிலும், விளம்பர ஜிங்கிள்களிலும் உதவி செய்து வந்தார்.

1992 ஆம் ஆண்டு வெளியான "ரோஜா" திரைப்படம் இந்திய திரைப்பட இசையில் ஒரு புரட்சியை ஏற்படுத்தியது.

ஒரே ஒரு தேசிய விருது அவரை வெறும் இசையமைப்பாளராக இருந்து ஒரு புரட்சியாளராக மாற்றியது.

2009 ஆம் ஆண்டு "ஸ்லம்டாக் மில்லியனர்" திரைப்படத்திற்காக இரண்டு ஆஸ்கார் விருதுகளை வென்று உலகையே திரும்பிப் பார்க்க வைத்தார்.

சென்னையில் ₹3 கோடி மதிப்பிலான பிரமாண்ட பங்களா

சென்னை கோடம்பாக்கத்தில், தமிழ் சினிமாவின் இதயமாக கருதப்படும் பகுதியில் ஏ.ஆர். ரஹ்மானின் பிரமாண்டமான பங்களா அமைந்துள்ளது.

2005 ஆம் ஆண்டு வாங்கப்பட்ட இந்த பங்களாவின் சரியான விலை வெளியிடப்படவில்லை என்றாலும், அப்பகுதியில் உள்ள ரியல் எஸ்டேட் சந்தை மதிப்பின்படி இன்று இதன் மதிப்பு ₹15 கோடிக்கு மேல் இருக்கும் என கணிக்கப்படுகிறது.

இது வெறும் வீடு மட்டுமல்ல, ஒரு இசைக்கோட்டை. பல படுக்கையறைகள், சொகுசான குடும்ப ஓய்வறை, பிரம்மாண்டமான சாப்பாட்டு அறை மற்றும் அதிநவீன உள்ளக இசை ஸ்டுடியோ ஆகியவை இந்த பங்களாவின் சிறப்பம்சங்கள்.

லாஸ் ஏஞ்சல்ஸில்  ₹25 கோடி அபார்ட்மெண்ட் - ஸ்டுடியோவும் கூட!

2010 ஆம் ஆண்டு பாலிவுட் மற்றும் ஹாலிவுட் திரைப்படங்களின் கூட்டு முயற்சி புதியதாக இருந்த சமயத்தில், ஏ.ஆர். ரஹ்மான் லாஸ் ஏஞ்சல்ஸில் ஒரு சொகுசு அபார்ட்மெண்டை அமைதியாக வாங்கினார்.

சுமார் ₹25 கோடி மதிப்புள்ள இந்த இடம் அவரது வீடாக மட்டுமல்லாமல், ஒரு அதிநவீன இசை ஸ்டுடியோவாகவும் செயல்படுகிறது.

ஏ.ஆர். ரஹ்மானின் சொகுசு வாகனங்கள்

ஏ.ஆர். ரஹ்மான் கிராமி விருதுகளை மட்டும் சேகரிப்பதில்லை. அவரது கார் கலெக்ஷனும் அவரது இசைப் படைப்புகள் போலவே தனித்துவமானது. அவரது கேரேஜில் உள்ள சில சொகுசு கார்கள்:

மெர்சிடிஸ்-பென்ஸ் எஸ்-கிளாஸ் (Mercedes-Benz S-Class): சுமார் ₹3 கோடி

 ஜாகுவார் எக்ஸ்எஃப் (Jaguar XF): ₹1.2 கோடி

 வோல்வோ எக்ஸ்சி90 (Volvo XC90): சுமார் ₹1 கோடி

 போர்ஷே டெய்கான் இவி (Porsche Taycan EV): ₹3 கோடி (அவரது மகள்கள் கதீஜா மற்றும் ரஹிமாவுக்கு சொந்தமானது)

பாப்பரசர் இறுதிச்சடங்கில் இளவரசர் வில்லியம் மற்றும் ட்ரம்ப் நீல நிற உடை அணிந்த காரணம்

 மொத்தமாக ₹8 கோடிக்கு மேல் மதிப்புள்ள கார்கள் அவரது கேரேஜை அலங்கரிக்கின்றன. ஆடம்பரம் வெளிப்படையாக தெரியாவிட்டாலும், அது நிச்சயமாக உள்ளது.

ஒரு ரஹ்மான் பாடலின் விலை? ₹3 கோடி!

உங்கள் படத்திற்கு ஏ.ஆர். ரஹ்மான் ஒரு பாடல் இயற்றிக் கொடுக்க வேண்டுமென்றால், ஒரு பாடலுக்கு அவர் சுமார் ₹3 கோடி கட்டணம் வசூலிக்கிறார் என்று கூறப்படுகிறது.

இது அவரது படைப்பு சுதந்திரத்தையும், அதிகப்படியான கோரிக்கைகளை கட்டுப்படுத்தவும் எடுக்கப்பட்ட முடிவாக பார்க்கப்படுகிறது.

அதுமட்டுமல்லாமல், அவரது இசை நிகழ்ச்சிக்கான ஒரு மணி நேர கட்டணம் ₹1 முதல் ₹2 கோடி வரை இருக்கும் என்பது வியப்பளிக்கக்கூடியது.

ஏ.ஆர். ரஹ்மானின் நிகர சொத்து மதிப்பு

சர்வதேச திரைப்படப் பணிகள், சொந்த ஸ்டுடியோக்கள், நேரடி இசை நிகழ்ச்சிகள் மற்றும் பாடல் கட்டணம் மூலம் ஏ.ஆர். ரஹ்மானின் நிகர சொத்து மதிப்பு ₹1,728 கோடியாக உயர்ந்துள்ளது.