திருமணத்துக்கு தயாராகிக்கொண்டிருந்த இளம்பெண்: மணமகனுக்கு கிடைத்த அதிர்ச்சியளிக்கும் செய்தி

அவுஸ்திரேலியாவில் கத்திக்குத்து தாக்குதலில் ஈடுபட்ட ஒருவர் ஆறு பேரைக் கத்தியால் குத்திக் கொன்ற சம்பவம் உலக நாடுகள் பலவற்றில் அதிர்வலைகளை உருவாக்கியுள்ள நிலையில், உயிரிழந்தவர்களில் ஒருவர் தனது திருமணத்துக்காக தயாராகிக்கொண்டிருந்த மணப்பெண் என ஒரு தகவல் வெளியாகியுள்ளது.

கத்திக்குத்து தாக்குதல்

சனிக்கிழமை மதியம் 3.45 மணியளவில், அவுஸ்திரேலியாவின் சிட்னி நகரில் அமைந்துள்ள மால் ஒன்றில் மர்ம நபர் ஒருவர் பொதுமக்களை சரமாரியாக கத்தியால் குத்தத் துவங்கியுள்ளார்.

முதல் குத்து விழுந்தது, ஒரு ஒன்பது மாதக் குழந்தைக்கு, அடுத்து அதன் தாய், பின்னர் பலரைக் கத்தியால் குத்திக்கொண்டே சென்ற Joel Cauchi (40) என்னும் நபரைக் கண்ட பெண் பொலிசாரான Amy Scott, கத்தியை கீழே போடு என சத்தமிட, Joel அந்தப் பெண் பொலிசாரை நோக்கிப் பாய, துப்பாக்கியால் அவரை சுட்டுள்ளார் Amy.

இந்த கொடூர தாக்குதலில் ஒரு குழந்தை உட்பட ஆறு பேர் பலியானதாக முதலில் தகவல் வெளியான நிலையில், பின்னர் அந்தக் குழந்தை மருத்துவமனையில் அனுமதிக்கப்பட்டுள்ளதாகவும், உயிர் பிழைத்துவிட்டதாகவும், ஆனால், அதன் தாயாகிய Dr Ashlee Good உயிரிழந்துவிட்டதாகவும் தகவல் வெளியாகியுள்ளது.

Credit: Getty

திருமணத்துக்கு தயாரகிக்கொண்டிருந்த இளம்பெண்

Joelஆல் கொல்லப்பட்டவர்களில் ஒருவர் கோடீஸ்வர குடும்பம் ஒன்றைச் சேர்ந்த Dawn Singleton என்னும் இளம்பெண். அவரும் அவரைத் திருமணம் செய்துகொள்ளவிருந்த Ashley Wildeyயும், திருமணத்துக்காக அழைப்பிதழ்கள் விநியோகிக்கும் வேலையில் மும்முரமாக ஈடுபட்டுக்கொண்டிருந்திருக்கிறார்கள்.

Dawnஉடைய திருமண உடை கூட தயாராகிவிட்ட நிலையில், பொலிசாராக பணியாற்றும் Ashleyக்கு சிட்னி மால் ஒன்றில் நடந்த கத்திக்குத்து சம்பவம் குறித்து தகவல் கிடைக்க, உடனடியாக அங்கு ஓடியிருக்கிறார்.

பிறகுதான் அவருக்குத் தெரிந்திருக்கிறது, கத்திக்குத்து தாக்குதலில் உயிரிழந்தவர்களில், தான் திருமணம் செய்துகொள்ளவிருந்த Dawnம் ஒருவர் என்பது.

Credit: Facebook

நிலைகுலைந்துபோன Ashleyயை சக பொலிசார் தேற்றமுடியாமல் திகைத்துப்போய் நின்றிருக்கிறார்கள். இந்த துயர சம்பவத்தில், பாகிஸ்தான் நாட்டவர் ஒருவர், சீனப்பெண் ஒருவர் உட்பட ஆறு பேர் கொல்லப்பட்டுள்ளார்கள். ஒரு ஒன்பது மாதக் குழந்தை உட்பட பலர் படுகாயமடைந்து மருத்துவமனையில் சிகிச்சை பெற்று வருகிறார்கள்.