ஆசியாவில் தங்கம் மீது அதிகரிக்கும் முதலீடு- வங்கிகளில் புதிய சேவைகள் அறிமுகம்

ஆசியாவில் தங்கம் மீதான முதலீடு பெரிய அளவில் அதிகரித்து வருகிறது. இதனால் HSBC, DBS, Standard Chartered போன்ற முக்கிய வங்கிகள் தங்கம் தொடர்பான சேவைகளை விரிவுபடுத்தி வருகின்றன.

Fractional trading வசதி

சிங்கப்பூரின் DBS வங்கி, தனது Retail App மூலம் ஒரு கிராம் தங்கத்தை அடிப்படையாகக் கொண்ட fractional trading வசதியை அறிமுகப்படுத்தியுள்ளது. இதன் மூலம் சாதாரண வாடிக்கையாளர்களும் தங்கத்தில் முதலீடு செய்யும் வாய்ப்பு பெற்றுள்ளனர்.

மேலும், Monetary Authority of Singapore இந்த ஆண்டு அக்டோபரில் Central Bank Gold Vaulting சேவையை தொடங்க உள்ளது. இதன் மூலம் வெளிநாட்டு மத்திய வங்கிகள் தங்கள் தங்கத்தை பாதுகாப்பாக சிங்கப்பூரில் சேமிக்க முடியும்.

அதேபோல், Singapore Exchange ஆண்டு இறுதிக்குள் தங்க வர்த்தகத்தை தொடங்க உள்ளது.

ஹொங்ஹொங் பகுதியில், ஜூலை மாதம் புதிய தங்க clearing trial தொடங்கப்பட்டது. இதில் HAU என்ற புதிய தங்க விலை குறியீடு அறிமுகப்படுத்தப்பட்டது. HSBC வங்கி, ஹொங்ஹொங் பகுதியில் 200 டன் தங்க சேமிப்பு வசதி அமைக்க திட்டமிட்டுள்ளது. Standard Chartered வங்கியும் இதேபோன்ற சேமிப்பு திட்டங்களை ஆராய்ந்துவருகிறது.

18 வயதில் வேலை தேடி சென்ற இந்தியருக்கு UAE Lottery-ல் விழுந்த பரிசு

தங்கத்தின் விலை 6,300 டொலர் வரை உயரும்

உலகளாவிய கடன் நிலை 353 டிரில்லியன் டொலராக உயர்ந்துள்ள நிலையில், தங்கம் “fiat hedge” ஆக பார்க்கப்படுகிறது. JPMorgan Global Research, தங்கத்தின் விலை 2026 இறுதிக்குள் 6,000 டொலரை தாண்டும் என்றும், 2027-இல் 6,300 டொலர் வரை உயரும் என்றும் கணித்துள்ளது.

உலக தங்க கவுன்சிலின் தகவலின்படி, ஆசியா உலகளாவிய தங்க நுகர்வில் 60 சதவீதம் பங்கைக் கொண்டுள்ளது. ETF-கள் மற்றும் fractional trading போன்ற புதிய சேவைகள், தங்கத்தை பெரிய அளவில் முதலீட்டு திட்டங்களில் இணைக்க உதவுகின்றன.

“இது வெறும் குறுகிய கால விலை உயர்வை பயன்படுத்தும் முயற்சி அல்ல, பல தசாப்தங்களுக்கு நீடிக்கும் மூலதன மாற்றம்” எனக் கருதப்படுவதாக வல்லுநர்கள் கூறுகின்றனர்.

கனடாவில் Mrs Canada World 2026 பட்டம் வென்ற இந்திய வம்சாவளி பெண்