லங்காசிறி FM
ஜேர்மனியில் 7,500 ஊழியர்களை பணிநீக்கம் செய்யும் Audi
பிரபல சொகுசு கார் நிறுவனமான Audi, 2029-க்குள் ஜேர்மனியில் 7,500 பணியாளர்களை நீக்க திட்டமிட்டுள்ளது.
Volkswagen AG குழுமத்தின் கீழ் செயல்படும் Audi, செலவைக் குறைக்கும் முயற்சியில் நிர்வாகம் மற்றும் மேம்பாட்டு துறையில் இந்த வேலை வாய்ப்புகளை குறைக்க உள்ளது.
இது நிறுவனத்திற்கு ஆண்டுக்கு 1 பில்லியன் யூரோ செலவுகளை மிச்சப்படுத்தும் என எதிர்பார்க்கப்படுகிறது.
தொழிற்சாலை பணியாளர்கள் இந்த பணிநீக்கத்தால் பாதிக்கப்படமாட்டார்கள். இருப்பினும், Audiயின் ஜேர்மனியில் உள்ள மொத்த பணியாளர்களில் 14% பேர் இந்த மாற்றத்தால் பாதிக்கப்பட உள்ளனர்.
அதே நேரத்தில், நிறுவனம் Ingolstadt மற்றும் Neckarsulm தொழிற்சாலைகளில் மின்சார வாகனங்கள் (EVs) மற்றும் செயற்கை நுண்ணறிவு (AI) முன்னேற்றத்திற்காக 8 பில்லியன் யூரோ முதலீடு செய்ய உள்ளது.
Audi உலகளவில் 88,000 பேர் பணியாற்றும் நிறுவனமாகும். EV விற்பனை 8% சரிவு கண்டதால், 3,000 ஊழியர்கள் பணியாற்றிய பெல்ஜிய தொழிற்சாலையை மூடியது. சீனாவில் மட்டும் 11% விற்பனை சரிவு ஏற்பட்டுள்ளது.
இந்த முடிவு, ஜேர்மனியின் கார் தொழில் எதிர்கொள்ளும் மின்சார வாகன மாற்றம், கடுமையான ஒழுங்குமுறை கட்டுப்பாடுகள் மற்றும் சர்வதேச போட்டி போன்ற சவால்களை வெளிப்படுத்துகிறது.
Volkswagen ஏற்கனவே 2030-க்குள் 35,000 வேலைகளை குறைக்கும் திட்டம் வைத்துள்ளது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
கோப்பாய் வடக்கு, Bochum, Germany, London, United Kingdom, Hayes, United Kingdom, Slough, United Kingdom
13 Mar, 2025
கந்தரோடை, பிரித்தானியா, United Kingdom
21 Mar, 2020
புங்குடுதீவு 10ம் வட்டாரம், புங்குடுதீவு 12ம் வட்டாரம், Rosny-sous-Bois, France
20 Mar, 2023
