லங்காசிறி FM
சர்ச்சைக்குரிய மாற்றங்கள் குறித்த விவாதம்..உலக வரைபடத்தில் புதிய வடிவம் பெறும் அவுஸ்திரேலியா
Australia appear slightly tilted in new world map: உலக வரைபடத்தில் புதிய வடிவத்தில் அவுஸ்திரேலியா சற்று சாய்ந்து காட்சியளிப்பது பேசுபொருளாகியுள்ளது.
ஐக்கிய நாடுகள் சபையால் அங்கீகரிக்கப்பட்ட புதிய உலக வரைபடத்தில், அவுஸ்திரேலியா அளவில் பெரியதாகவும், வலதுபுறமாக சற்று சாய்ந்தும் காட்சியளிக்கவுள்ளது.
புதிய உலக வரைபடம்
உலகின் நிலப்பரப்புகளை மிகவும் துல்லியமாக பிரதிபலிக்கும் ஒரு முயற்சியாக, Equal Earth எனப்படும் வரைபடத் திட்டத்திற்கு ஆதாரவாக ஐக்கிய நாடுகள் பொதுச் சபை வாக்களித்தது.
ஃப்ளெமிஷ் வரைபடவியலாளர் ஜெரடஸ் மெர்கேட்டரால் 1569-யில் வடிவமைக்கப்பட்ட, பல நூற்றாண்டுகள் பழமையான மெர்கேட்டர் வரைபடத்திற்கு பதிலாக, புதிய வரைபடத்தை பயன்படுத்துமாறு ஐ.நா உறுப்பு நாடுகளை வலியுறுத்தியது.
அதனைத் தொடர்ந்து, அவுஸ்திரேலியா உலக வரைபடத்தில் புதிய வடிவத்தை பெறுகிறது. ஐ.நா-வினால் அங்கீகரிக்கப்பட்ட அந்த வரைபடத்தில் அவுஸ்திரேலியா அளவில் பெரியதாகவும், வலதுபுறமாக சற்று சாய்ந்தும் காட்சியளிக்கவுள்ளது.
இதுவரை பெரும்பாலான மக்கள் அறிந்திருந்த தோற்றத்தில் இருந்து அவுஸ்திரேலியா குறிப்பிடத்தக்க வகையில் மாறுபட்டதாக தெரிகிறது.
மெர்கேட்டர் வரைபடம் கடற்கரைகளையும், திசைகளையும் நமக்கு நன்கு பரிச்சயமானதாக வைத்திருந்தாலும், அது நாடுகளை வட மற்றும் தென் துருவங்களுக்கு அருகில் நீட்டித்து, சில நாடுகள் உண்மையில் இருப்பதை விட பெரிதாக தோன்ற செய்கிறது.
ஆனால், புதிய Equal Earth வரைபடம் நாடுகளை அவற்றின் உண்மையான அளவிற்கு நெருக்கமாகக் காட்டுவதை நோக்கமாகக் கொண்டுள்ளது. எனினும் அவற்றின் வடிவங்களும், அளவுகளும் சற்றே வித்தியாசமாகத் தோன்றக்கூடும்.
இந்த மாற்றங்களுக்கு முன்னும் பின்னும் அவுஸ்திரேலியாவின் பக்கவாட்டு ஒப்பீடுகள் பயனர்களுக்குக் காட்டப்பட்ட பிறகு, அதன் புதிய தோற்றம் ரெட்டிட்டில் நகைச்சுவைகளைத் தூண்டியது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வண்ணார்பண்ணை, Leiden, Netherlands, Sutton, United Kingdom
06 Sep, 2021
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
