லங்காசிறி FM
பயத்தை காட்டிய மே.தீவுகள்! ஒரே செஸனில் முடித்த ஹேசல்வுட்..159 ரன் வித்தியாசத்தில் மிரட்டல் வெற்றி
மேற்கிந்திய தீவுகளுக்கு எதிரான டெஸ்டில் 159 ஓட்டங்கள் வித்தியாசத்தில் அவுஸ்திரேலியா வெற்றி பெற்றது.
ஹெட், வெப்ஸ்டர் அரைசதம்
பார்படாஸில் நடந்த முதல் டெஸ்டில் அவுஸ்திரேலிய அணி 180 ஓட்டங்களும், மேற்கிந்திய தீவுகள் 190 ஓட்டங்களும் எடுத்தன.
பின்னர் இரண்டாவது இன்னிங்சை ஆடிய அவுஸ்திரேலிய அணி 65 ஓட்டங்களுக்கு 4 விக்கெட்டுகளை இழந்து தடுமாறியது.
அப்போது டிராவிஸ் ஹெட் (Travis Head) 61 ஓட்டங்களும், வெப்ஸ்டர் 63 ஓட்டங்களும் எடுத்து ஸ்கோரை உயர்த்தினர்.
எனினும் ஷாமர் ஹோசப் வேகப்பந்து வீச்சில் அச்சுறுத்தினார். அலெக்ஸ் கேரி அதிரடியாக 75 பந்துகளில் 65 ஓட்டங்கள் விளாச அவுஸ்திரேலியா 310 ஓட்டங்கள் குவித்தது. ஷாமர் ஜோசப் 5 விக்கெட்டுகளும், அல்சரி ஜோசப் 2 விக்கெட்டுகளும் வீழ்த்தினர்.
அதனைத் தொடர்ந்து 301 ஓட்டங்கள் இலக்கை நோக்கை மேற்கிந்திய தீவுகள் களமிறங்கியது. பிராத்வெயிட் 4 ஓட்டங்களில் ஸ்டார்க் ஓவரில் ஆட்டமிழக்க, ஜோன் காம்ப்பெல் 23 ஓட்டங்களும், கேசி கார்ட்டி 20 ஓட்டங்களும் எடுத்த நிலையில் ஹேசல்வுட் பந்துவீச்சில் ஆட்டமிழந்தனர்.
ஜேசல்வுட் மிரட்டல்
பின்னர் களமிறங்கிய பிரண்டன் கிங் (0), ரஸ்டன் சேஸ் (2) ஆகியோரையும் ஜோஷ் ஜேசல்வுட் (Josh Hazlewood) வெளியேற்றினார்.
ஜஸ்டின் கிரேவ்ஸ் (Justin Greaves), ஷாமர் ஜோசப் இருவரும் வெற்றிக்காக போராடினர். ஆனால் அதிரடியில் மிரட்டிய ஷாமர் ஜோசப் (Shamar Joseph) 22 பந்துகளில் 4 சிக்ஸர், 4 பவுண்டரிகளுடன் 44 ஓட்டங்கள் விளாசிய நிலையில் அவுட் ஆனார்.
அடுத்து வந்த சீல்ஸ் முதல் பந்திலேயே லயன் ஓவரில் அவுட் ஆக, மேற்கிந்திய தீவுகள் 141 (33.4) ஓட்டங்களுக்கு சுருண்டது. ஜஸ்டின் கிரேவ்ஸ் 38 ஓட்டங்கள் எடுத்து கடைசிவரை ஆட்டமிழக்காமல் களத்தில் நின்றார்.
அவுஸ்திரேலிய அணி 159 ஓட்டங்கள் வித்தியாசத்தில் அபார வெற்றி பெற்றது. ஹேசல்வுட் 5 விக்கெட்டுகளை வீழ்த்தினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
