லங்காசிறி FM
அவுஸ்திரேலியாவில் டிசம்பர் 1 முதல் வெளிநாட்டவருக்கான பயணத் தடை நீக்கம்
Ragavan
in ஆஸ்திரேலியா
அவுஸ்திரேலியாவில் டிசம்பர் 1 முதல் முழுமையாக தடுப்பூசி போடப்பட்ட வெளிநாட்டவர்கள் நுழைய அனுமதி வழங்கப்படும் என அறிவிக்கப்பட்டுள்ளது.
அவுஸ்திரேலியா COVID-19ன் பரவலைக் குறைக்கும் முயற்சியில் தனது சர்வதேச எல்லையை மே 2020-ல் மூடியது. கட்டுப்படுத்தப்பட்ட குடிமக்கள் மற்றும் நிரந்தர குடியிருப்பாளர்களை மட்டுமே நுழைய அனுமதித்தது.
சமீபத்திய வாரங்களில் குடிமக்களின் வெளிநாட்டு குடும்ப உறுப்பினர்களை அனுமதிக்க விதிகள் தளர்த்தப்பட்டன.
அதனைத் தொடர்ந்து, விரைவில் தடுப்பூசி போடப்பட்ட மாணவர்கள், வணிக விசா வைத்திருப்பவர்கள் மற்றும் அகதிகள் வருவதற்கு ஏற்ப விதிமுறைகள் தளர்த்தப்படும் என்று பிரதமர் ஸ்காட் மோரிசன் கூறியிருந்தார்.
இந்நிலையில், வெளிநாட்டு விசா வைத்திருக்கும் அனைத்து வெளிநாட்டவர்களுக்கும் வரும் டிசம்பர் 1 முதல் நாட்டிற்குள் நுழைய அனுமதி வழங்கப்படும் என்று பிரதமர் ஸ்காட் மோரிசன் திங்கட்கிழமை அறிவித்தார்.
கான்பெராவில் செய்தியாளர்களிடம் பேசிய மோரிசன் "திறமையான தொழிலாளர்கள் மற்றும் மாணவர்கள் அவுஸ்திரேலியாவுக்குத் திரும்புவது எங்கள் பாதையில் ஒரு முக்கிய மைல்கல்" என்று கூறினார்.
டிசம்பர் 1 முதல் தென் கொரியா மற்றும் ஜப்பானில் இருந்து தடுப்பூசி போடப்பட்ட சுற்றுலாப் பயணிகளையும் அவுஸ்திரேலியா அனுமதிக்கும் என்று அவர் கூறினார்.
ஆண்டுக்கு சுமார் 35 பில்லியன் அவுஸ்திரேலிய டொலர் ($25 பில்லியன்) மதிப்புள்ள வெளிநாட்டு மாணவர்கள் அவுஸ்திரேலியப் பொருளாதாரத்திற்குத் திரும்புவது கல்வித் துறைக்கு பெரும் ஊக்கமாக இருக்கும்.
அக்டோபர் மாத இறுதியில் சுமார் 160,000 மாணவர்கள் உட்பட 235,000-க்கும் அதிகமான வெளிநாட்டவர்கள் அவுஸ்திரேலியாவிற்கான விசாக்களை பெற்றுள்ளதாக அரசாங்க தகவல்கள் தெரிவிக்கின்றன.
பல ஆஸ்திரேலிய பல்கலைக்கழகங்கள் வெளிநாட்டு மாணவர்களை நம்பியுள்ளன, அவர்கள் மொத்த சேர்க்கைகளில் சுமார் 21 சதவீதம் பேர் உள்ளனர்.
அதுமட்டுமின்றி, கடந்த ஆண்டு, சர்வதேச எல்லை மூடப்பட்டதால் காரணமாக உயர் கல்வி நிறுவனங்கள் நூற்றுக்கணக்கான ஊழியர்களை பணிநீக்கம் செய்ய வேண்டிய கட்டாயத்தில் தள்ளப்பட்டது.
அவுஸ்திரேலியாவிலிருந்து வெளியேறிய பல மாணவர்கள், 2022-ல் நேருக்கு நேர் கற்றலைத் தொடங்க முடியாவிட்டால், மாற்றுப் பல்கலைக்கழகங்களுக்கு மாறுவதாகக் கூறியுள்ளனர்.
மேலும், எல்லை விதிகளின் தளர்வு தொழிலாளர் பற்றாக்குறையை குறைக்கும் என்று எதிர்பார்க்கப்படுகிறது, இது பொருளாதார மீட்சியைத் தடுக்கும் என்பதால், இந்த முடிவு எடுக்கப்பட்டுள்ளது.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
