லங்காசிறி FM
62 வயதில் திருமணம் செய்த அவுஸ்திரேலிய பிரதமர் அந்தோணி அல்பனீஸ்
Karthikraja
in ஆஸ்திரேலியா
அவுஸ்திரேலிய பிரதமர் அந்தோணி அல்பனீஸ், தனது துணை ஜோடி ஹேடனை திருமணம் செய்துள்ளார்.
அந்தோணி அல்பனீஸ்
62 வயதான அந்தோணி அல்பனீஸ், கடந்த 2022 ஆம் ஆண்டு முதல் அவுஸ்திரேலியா பிரதமராக பதவி வகித்து வருகிறார்.
மேலும், கடந்த 2019 ஆம் ஆண்டு தொழிலாளர் கட்சியின் தலைவர் பொறுப்பை வகித்து வருகிறார்.
இவருக்கு கடந்த 2000 ஆம் ஆண்டு தொழிலாளர் கட்சியை சேர்ந்த கார்மல் டெபட் என்பவரை திருமணம் செய்து கொண்டார். இந்த தம்பதிக்கு நாதன் என்ற மகன் உள்ளது.
கருத்து வேறுபாடு காரணமாக கடந்த ஜனவரி 2019 இல் இவர்கள் விவாகரத்து பெற்றனர். இதன் மூலம், விவாகரத்து பெற்ற முதல் அவுஸ்திரேலிய பிரதமர் என்ற பெருமையை பெற்றார்.
ஜோடி ஹேடனுடன் திருமணம்
ஜூன் 2020 ஆம் ஆண்டில் அந்தோணி அல்பனீஸ், மெல்போர்னில் நடைப்பெற்ற இரவு விருந்து ஒன்றில் ஜோடி ஹேடனை(46) சந்தித்துள்ளார்.
2024 காதலர் தினத்தன்று , பிரபலமான கான்பெரா உணவகத்தில் இரவு உணவிற்குப் பிறகு, லாட்ஜில் உள்ள பால்கனியில் அல்பானீஸ் ஹேடனுக்கு ப்ரொபோஸ் செய்துள்ளார்.
Married💍❤️💍 pic.twitter.com/mSzojtBF2I
— Anthony Albanese (@AlboMP) November 29, 2025
இந்நிலையில், இன்று மதியம் அல்பானீஸின் அதிகாரப்பூர்வ இல்லமான லாட்ஜில் வைத்து பிரதமர் அந்தோணி அல்பனீஸ் மற்றும் ஜோடி ஹேடனுக்கு திருமணம் நடைபெற்றுள்ளது.
இந்த திருமணத்தில் அல்பானீஸின் மகன் நாதன் மற்றும் ஹேடனின் பெற்றோர் பில் மற்றும் பவுலின் உள்ளிட்ட நெருங்கிய குடும்பத்தினர் மற்றும் நண்பர்கள் கலந்து கொண்டுள்ளனர்.
இதன் மூலம், பதவியில் உள்ள போது திருமணம் செய்த முதல் அவுஸ்திரேலிய பிரதமர் என்ற பெருமையை அந்தோணி அல்பனீஸ் பெற்றுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
