வெளிநாட்டவர்களுக்கு புதிய கட்டுப்பாடுகள்: நாடொன்றின் திட்டம்

Australia plans to stop foreign students from bringing partners and children: சர்வதேச மாணவர்கள், தங்கள் துணைவர் மற்றும் பிள்ளைகளை தங்களுடன் அழைத்துவர தடை விதிக்க அவுஸ்திரேலியா திட்டமிட்டுவருகிறது.

மேற்கத்திய நாடுகள் சில புலம்பெயர்தல் கட்டுப்பாடுகளை கடினமாக்கிவரும் நிலையில், அந்த நாடுகளின் பட்டியலில் அவுஸ்திரேலியாவும் இணைந்துள்ளது.

புதிய கட்டுப்பாடுகள்

ஆம், அவுஸ்திரேலியாவுக்கு கல்வி கற்க வரும் சர்வதேச மாணவர்களுக்கு புதிய கட்டுப்பாடுகளை விதிக்க அந்நாடு திட்டமிட்டுவருகிறது. 

அவ்வகையில், சர்வதேச மாணவர்கள் கனடாவுக்குக் கல்வி கற்க வரும்போது, தங்கள் துணையையும், 18 வயதுக்குக் கீழுள்ள தங்கள் பிள்ளைகளையும் தங்களுடன் அழைத்துவர, தடை விதிக்க அவுஸ்திரேலியா திட்டமிட்டுவருகிறது.

மேலும் விசாக்களை ஒருவகையிலிருந்து மற்றொரு வகையாக மாற்றுவதும் இனி கடினமாக்கப்பட உள்ளது. 

வெளிநாட்டில் வாழ்ந்துவந்த இந்தியப் பெண்: திடீர் மரணம்

இது தொடர்பான அறிவிப்புகளை இன்று அவுஸ்திரேலிய உள்விவகாரங்கள் அமைச்சரான டோனி பர்க் வெளியிட உள்ளார். 

விடயம் என்னவென்றால், ஒவ்வொரு நாட்டிலும் புலம்பெயர்தலுக்கு எதிரான கொள்கைகள் கொண்ட அரசியல் கட்சிகள் உள்ளன.

உதாரணமாக, சுவிட்சர்லாந்தில் சுவிஸ் மக்கள் கட்சி, பிரித்தானியாவில் யூகே ரீஃபார்ம் கட்சி, பிரான்சில், மரின் லி பென் சார்ந்த நேஷனல் ராலி, ஜேர்மனியில் AfD கட்சி என புலம்பெயர்தலுக்கு எதிராக குரல் கொடுத்துக்கொண்டே இருக்கும் பல கட்சிகள் உள்ளன.

இத்தகைய கட்சிகள் கொடுக்கும் தொல்லை தாங்காமல் சில நாடுகளில் ஆளுங்கட்சியினர் தங்கள் இருக்கையைக் காப்பாற்றிக்கொள்வதற்காக புலம்பெயர்தலுக்கு எதிராக நடவடிக்கைகள் எடுத்துக்கொண்டிருக்கிறார்கள்.

அவ்வகையில், அவுஸ்திரேலியாவில் ஒன் நேஷன் கட்சி என்னும் புலம்பெயர்தல் எதிர்ப்புக் கட்சி உள்ளது. அக்கட்சியின் கொள்கைகளை ட்ரம்புடைய கொள்கைகளுடன் ஒப்பிடுகிறார்கள்.

அமெரிக்கா அமெரிக்கர்களுக்கே என கருதும் ட்ரம்பைப் போல, இந்த ஒன் நேஷன் கட்சி, அவுஸ்திரேலியா அவுஸ்திரேலியர்களுக்கே என்னும் கொள்கையைக் கொண்டுள்ளது.

இந்த ஒன் நேஷன் கட்சிக்கு மக்கள் ஆதரவு அதிகரித்துவருவது சமீபத்திய ஆய்வுகளில் தெரியவந்துள்ளதைத் தொடர்ந்தே, ஆளுங்கட்சி இத்தகைய அதிரடி அறிவிப்புகளை வெளியிட உள்ளதாக கருதப்படுகிறது.

விடயம் என்னவென்றால், உண்மையில், கடந்த இரண்டு ஆண்டுகளாக அவுஸ்திரேலியாவுக்கு புலம்பெயர்வோர் எண்ணிக்கை குறைந்துகொண்டேவருகிறது.

2023இல் அவுஸ்திரேலியாவுக்கான நிகர புலம்பெயர்தல் 518,000 ஆக இருந்தது, 2024இல் 429,000 ஆகவும், 2025இல் 306,000 ஆகவும் குறைந்துள்ளது குறிப்பிடத்தக்கது.